IND vs ENG: વરસાદના કારણે મેચ રદ્દ થશે? હવામાનને લઈને મોટી અપડેટ

• ભારત અને ઇંગ્લેન્ડ વચ્ચે રમાશે સેમિફાઇનલ મેચ
  
• આજે ભારતીય સમય અનુસાર રાત્રે 8 વાગ્યાથી શરૂ થશે
• આ સેમિફાઈનલ મેચમાં વરસાદ બની શકે છે વિલન

સાઉથ આફ્રિકા અને અફઘાનિસ્તાન વચ્ચે રમાયેલી પ્રથમ સેમિફાઇનલ બાદ હવે કરોડો ચાહકોની નજર ભારત અને ઇંગ્લેન્ડ વચ્ચે યોજાનારી બીજી સેમિફાઇનલ પર ટકેલી છે. સાઉથ આફ્રિકાએ પ્રથમ સેમિફાઇનલમાં અફઘાનિસ્તાનને હરાવીને ફાઇનલમાં પોતાનું સ્થાન નિશ્ચિત કરી લીધું છે.

હવે ટીમ ઈન્ડિયાનો મુકાબલો ગયાના સ્ટેડિયમમાં (ભારતીય સમય મુજબ) રાત્રે 8 વાગ્યે થવાનો છે. આ મેચમાં ભારે વરસાદની આગાહી છે. હવે ગયાનાના હવામાનને લઈને એક મોટું અપડેટ સામે આવ્યું છે. જેના કારણે ઈંગ્લેન્ડની ટીમનું ટેન્શન થોડું વધવા લાગ્યું છે. જો વરસાદના કારણે મેચ રદ્દ થશે તો ભારત સીધી જ ફાઈનલમાં એન્ટ્રી કરશે.

ગયાના હવામાન પર અપડેટ

ભારત અને ઈંગ્લેન્ડ વચ્ચે બીજી સેમીફાઈનલ ગયાનામાં રમાશે. આ મેચ પર ભારે વરસાદનું સંકટ છે. હવે લેટેસ્ટ અપડેટ આવ્યું છે જે મુજબ મેચ દરમિયાન વરસાદની 90 ટકા શક્યતા છે. જો મેચમાં વરસાદ પડે અને મેચ રદ્દ થાય તો ટીમ ઈન્ડિયા સીધી ફાઇનલમાં પ્રવેશ કરશે. તેનું મુખ્ય કારણ ટીમ ઈન્ડિયા ગ્રુપ-1માં ટોપ પર છે.

સેમિફાઈનલમાં શું છે નિયમ

સેમિફાઇનલ મેચ માટે નિયમોમાં થોડો ફેરફાર કરવામાં આવ્યો છે અને મેચના બીજા દાવ દરમિયાન વરસાદ થાય છે અને મેચનું પરિણામ DLS પદ્ધતિથી નક્કી કરવામાં આવે છે, તો ઓછામાં ઓછી બંને ટીમોએ 10 ઓવર રમવી જરૂરી છે. . સેમીફાઈનલ મેચ માટે કોઈ રિઝર્વ ડે રાખવામાં આવ્યો નથી. આવી સ્થિતિમાં જો વરસાદના કારણે મેચ રદ્દ થશે તો ટીમ ઈન્ડિયા ફાઈનલમાં રમ્યા વગર પહોંચી જશે.