- હૈદરાબાદ ટેસ્ટમાં ભારતીય ટીમને હારનો સામનો કરવો પડ્યો
- ICC રેન્કિંગમાં આર અશ્વિન ટેસ્ટનો નંબર-1 બોલર યથાવત
- આર અશ્વિન વિશાખાપટ્ટનમ ટેસ્ટમાં 5 રેકોર્ડ બનાવી શકે છે
હૈદરાબાદ ટેસ્ટમાં ભારતીય ટીમને હારનો સામનો કરવો પડ્યો હતો. બેન સ્ટોક્સની આગેવાનીમાં ઈંગ્લેન્ડે ટીમ ઈન્ડિયાને 28 રનથી હરાવ્યું હતું. જોકે આ મેચમાં આર અશ્વિને શાનદાર બોલિંગ રજૂ કરી હતી. આર અશ્વિને હૈદરાબાદ ટેસ્ટમાં 6 વિકેટ લીધી હતી. તે જ સમયે ICC રેન્કિંગમાં આર અશ્વિન ટેસ્ટનો નંબર-1 બોલર યથાવત છે. ભારત અને ઈંગ્લેન્ડ વચ્ચે બીજી ટેસ્ટ 2 ફેબ્રુઆરીથી રમાશે. બંને ટીમો વિશાખાપટ્ટનમમાં સામસામે ટકરાશે.
આર અશ્વિનના નિશાના પર હશે આ રેકોર્ડ
આ સાથે જ આર અશ્વિન એક-બે નહીં પરંતુ 5 રેકોર્ડ પર નિશાન સાધશે. આર અશ્વિન વિશાખાપટ્ટનમ ટેસ્ટમાં 5 રેકોર્ડ બનાવી શકે છે. વાસ્તવમાં, આર અશ્વિને ઈંગ્લેન્ડ વિરુદ્ધ 20 ટેસ્ટ મેચમાં કુલ 93 વિકેટ લીધી છે. ઈંગ્લેન્ડ સામે ટેસ્ટ મેચમાં સૌથી વધુ વિકેટ લેનાર ભારતીય બોલર ભાગવત ચંદ્રશેખર છે. ભાગવત ચંદ્રશેખરના નામે 23 ટેસ્ટ મેચોમાં 95 વિકેટ છે. આર અશ્વિન 3 વિકેટ લેતાની સાથે જ ભાગવત ચંદ્રશેખરને પાછળ છોડી દેશે. આ સિવાય આર અશ્વિને પોતાની કારકિર્દીમાં 96 ટેસ્ટ મેચમાં 496 વિકેટ ઝડપી છે. તે ઈંગ્લેન્ડ સામે 500 વિકેટના આંકને સ્પર્શી શકે છે. આર અશ્વિન આવું કરનાર ભારતનો બીજો અને વિશ્વનો 9મો બોલર બનશે.
આર અશ્વિન તોડશે આ રેકોર્ડ!
ભારત અને ઈંગ્લેન્ડ વચ્ચેની ટેસ્ટ મેચમાં સૌથી વધુ વિકેટ લેવાનો રેકોર્ડ જેમ્સ એન્ડરસનના નામે છે. એન્ડરસને ભારત-ઈંગ્લેન્ડ ટેસ્ટ મેચમાં 139 વિકેટ લીધી છે. આ સાથે જ આર અશ્વિન 7 વિકેટ લેતાની સાથે જ ઈંગ્લેન્ડ સામે 100 વિકેટ લેનાર બોલર બની જશે. આર અશ્વિને અત્યાર સુધી રમાયેલી 96 ટેસ્ટ મેચોમાં 34 પાંચ વિકેટ ઝડપી છે. જો તે બંને દાવમાં પાંચ વિકેટ ઝડપવામાં સફળ રહે છે, તો તે અનિલ કુંબલેને પાછળ છોડી દેશે જેણે ટેસ્ટમાં ભારત માટે 35 પાંચ વિકેટ ઝડપી છે.
ભારતીય ધરતી પર ટેસ્ટ મેચોમાં સૌથી વધુ વિકેટ લેવાનો રેકોર્ડ અનિલ કુંબલેના નામે છે. અનિલ કુંબલેએ 350 વિકેટ લીધી છે. જ્યારે અશ્વિને 56 ટેસ્ટ મેચમાં 343 રન પોતાના નામે કર્યા છે. અશ્વિન માત્ર 8 વિકેટ લઈને કુંબલેને પાછળ છોડી દેશે.
