- T20 વર્લ્ડકપ 2024 હવે અંતિમ તબક્કામાં પહોંચી ગયો છે
- પ્રથમ સેમિફાઈનલ અફઘાનિસ્તાન અને આફ્રિકા વચ્ચે રમાશે
- બીજી સેમિફાઈનલમાં ભારત અને ઈંગ્લેન્ડ વચ્ચે થશે ટક્કર
T20 વર્લ્ડકપ હવે સમાપ્ત થવા જઈ રહ્યો છે. ભારતીય સમય અનુસાર ટૂર્નામેન્ટની પ્રથમ સેમિફાઇનલ 27 જૂને સવારે રમાશે. ત્યાર બાદ તે જ રાત્રે બીજી સેમિફાઇનલ રમાશે. T20 વર્લ્ડકપ 2024 ની પ્રથમ સેમિફાઇનલમાં સાઉથ આફ્રિકા અને અફઘાનિસ્તાન વચ્ચે ટક્કર થશે. બીજી સેમિફાઇનલ મેચ ભારત અને ઇંગ્લેન્ડ વચ્ચે રમાશે. જાણો ટીમ ઈન્ડિયાની પ્લેઈંગ ઈલેવન સેમિફાઈનલ મેચમાં કેવી હોઈ શકે છે.
શું યશસ્વી જયસ્વાલ અને સંજુ સેમસનને મળશે તક?
કેપ્ટન રોહિત શર્મા અને વિરાટ કોહલી સેમિફાઇનલ મેચમાં પણ ઇનિંગ્સની શરૂઆત કરી શકે છે. જો કે કિંગ કોહલીનું ફોર્મ ટીમ માટે ચિંતાનો વિષય છે. આ ટુર્નામેન્ટમાં તે અત્યાર સુધી અપેક્ષા મુજબનું પ્રદર્શન કરી શક્યો નથી. તેમ છતાં, કેપ્ટન રોહિત સેમિફાઇનલમાં ફરી એકવાર તેના પર ભરોસો રાખી શકે છે. આવી સ્થિતિમાં યશસ્વી જયસ્વાલને ફરી એકવાર બેંચ પર બેસવું પડી શકે છે.
વિકેટકીપર બેટ્સમેન રિષભ પંત ત્રીજા નંબર પર જોવા મળશે. આ પછી T20 ફોર્મેટમાં વિશ્વના નંબર વન બેટ્સમેન સૂર્યકુમાર યાદવ આવશે. શિવમ દુબે ફરી એકવાર પાંચમા નંબર પર રમી શકે છે. આવી સ્થિતિમાં સંજુ સેમસને પણ બેંચ પર બેસવું પડશે. ત્યારબાદ હાર્દિક પંડ્યા એક્શનમાં જોવા મળશે. હાર્દિક આ વર્લ્ડકપમાં બોલ અને બેટ બંનેથી શાનદાર પ્રદર્શન કર્યું છે.
રોહિત ફરી ત્રણ સ્પિનરો સાથે જઈ શકે
સ્પિન વિભાગમાં ફરી એકવાર રવિન્દ્ર જાડેજા, અક્ષર પટેલ અને કુલદીપ યાદવની ત્રિપુટી એક્શનમાં જોવા મળી શકે છે. તેનું કારણ એ છે કે જાડેજા અને અક્ષર બેટથી પણ ટીમમાં યોગદાન આપી શકે છે. અર્શદીપ સિંહ અને જસપ્રિત બુમરાહ ફાસ્ટ બોલિંગ કરતા જોવા મળશે. આ બંનેને સપોર્ટ કરવા માટે હાર્દિક પંડ્યા પણ ટીમમાં હાજર છે.
ટીમ ઈન્ડિયાની સંભવિત પ્લેઈંગ-11: રોહિત શર્મા (કેપ્ટન), વિરાટ કોહલી, રિષભ પંત (વિકેટકીપર), સૂર્યકુમાર યાદવ, શિવમ દુબે, હાર્દિક પંડ્યા, રવિન્દ્ર જાડેજા, અક્ષર પટેલ, કુલદીપ યાદવ, જસપ્રિત બુમરાહ અને અર્શદીપ સિંહ.
