પુણેમાં આ 3 ભારતીય ખેલાડીઓનો રેકોર્ડ શાનદાર, ઉડાવી શકે કિવી ટીમના હોશ

ભારત અને ન્યુઝીલેન્ડ વચ્ચે બીજી મેચ પુણેના મહારાષ્ટ્ર ક્રિકેટ એસોસિએશન સ્ટેડિયમમાં રમાશે. આ મેચમાં ટીમ ઈન્ડિયા સિરીઝમાં વાપસી કરવાનો પ્રયાસ કરશે. ટીમ ઈન્ડિયાને પ્રથમ મેચમાં 8 વિકેટથી હારનો સામનો કરવો પડ્યો હતો. બીજી તરફ કિવી ટીમ આ મેચ જીતીને સિરીઝમાં અજેય લીડ લેવાનો પ્રયાસ કરશે. જો કે ભારતીય ટીમના 3 ખેલાડીઓ કિવી ટીમની મુશ્કેલીઓ વધારી શકે છે.

વિરાટ કોહલી

ટીમ ઈન્ડિયાના સ્ટાર બેટ્સમેન વિરાટ કોહલીએ પ્રથમ ટેસ્ટ મેચની બીજી ઈનિંગમાં 70 રન બનાવીને ફોર્મમાં પરત ફરવાના સંકેત દેખાડી દીધા છે. પુણેમાં તેનો રેકોર્ડ શાનદાર રહ્યો છે. તેણે પુણેમાં 2 મેચની 3 ઇનિંગ્સમાં 133.50ની શાનદાર એવરેજથી 267 રન બનાવ્યા છે. વિરાટ કોહલીએ અહીં પોતાની ટેસ્ટ કારકિર્દીનો સર્વશ્રેષ્ઠ સ્કોર બનાવ્યો હતો. તેણે આ મેચમાં અણનમ 254 રન બનાવ્યા હતા.

આર અશ્વિન

અહેવાલો અનુસાર પુણેની પિચ પર સ્પિનરોને મદદ મળી શકે છે. આવી સ્થિતિમાં અશ્વિન ન્યુઝીલેન્ડ સામેની આ મેચમાં હલચલ મચાવી શકે છે. તેણે આ મેદાન પર 2 મેચમાં 13 વિકેટ લીધી છે. આ સિવાય તે ન્યૂઝીલેન્ડ સામે ટેસ્ટમાં સૌથી વધુ વિકેટ લેનાર બોલર છે. તેણે પુણેમાં 182 રન બનાવ્યા છે. આવી સ્થિતિમાં કિવી ટીમને આ મેચમાં અશ્વિનથી સાવધાન રહેવાની જરૂર છે.

રવિન્દ્ર જાડેજા

રવિન્દ્ર જાડેજા હાલમાં ટેસ્ટ ક્રિકેટમાં શાનદાર ફોર્મમાં છે. બાંગ્લાદેશ સામે તેનું પ્રદર્શન શાનદાર રહ્યું હતું. આ સાથે જ તેણે કીવી ટીમ સામેની પ્રથમ મેચમાં પોતાની બોલિંગથી પ્રભાવિત કર્યા હતા. જો પુણેમાં તેના રેકોર્ડની વાત કરીએ તો તેણે 2 મેચમાં 9 વિકેટ ઝડપી છે. આ સિવાય તેણે 96 રન બનાવ્યા છે. આ મેદાન પર તેનો સર્વોચ્ચ સ્કોર 92 રન છે. આવી સ્થિતિમાં તેઓ આ મેદાન પર પ્રથમ મેચમાં મળેલી હારનો બદલો પણ લેવા માંગશે.