Inida vs Pakistan: શું વરસાદ બનશે વિલન? ન્યૂયોર્કના હવામાને ફેન્સનું વધાર્યું ટેન્શન

• 9 જૂને ભારત અને પાકિસ્તાન વચ્ચે રમાશે મેચ
  
• નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં મેચ
• આ દિવસે 40 થી 50% વરસાદની સંભાવના છે

T20 વર્લ્ડકપ 2024માં ભારત અને પાકિસ્તાન વચ્ચે 9 જૂને હાઈ વોલ્ટેજ મુકાબલો રમાશે. આ મેચ ન્યુયોર્કના નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં રમાશે. આ મેચમાં પીચ સિવાય હવામાન પણ મહત્વની ભૂમિકા ભજવી શકે છે. જાણો 9 જૂને ન્યૂયોર્કમાં કેવું રહેશે હવામાન?

કેવું રહેશે હવામાન

ન્યૂયોર્કમાં નવા બનેલા નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં આયોજિત થનારી આ શાનદાર મેચ સવારે 10:30 વાગ્યે (ભારતીય સમય મુજબ રાત્રે 8 વાગ્યે) શરૂ થશે. હવામાન વિભાગની તાજેતરની આગાહી મુજબ, ટોસના સમયે વરસાદની 40 થી 50% સંભાવના છે. જો કે, બપોરે 1 વાગ્યે વરસાદની સંભાવના ઘટીને 10% થઈ જશે, પરંતુ બપોરે 3 વાગ્યે ફરી 40% સુધી પહોંચી શકે છે.

9 જૂને ન્યુયોર્કનું હવામાન

Accuweather અનુસાર, રવિવાર, 9 જૂને વરસાદની સંભાવના 42% છે. તાપમાન 25 ડિગ્રી સેલ્સિયસની આસપાસ રહેવાની શક્યતા છે અને ભેજ 58% હોઈ શકે છે. વરસાદને કારણે ટોસમાં વિલંબ થઈ શકે છે, પરંતુ વર્તમાન હવામાનની આગાહી મુજબ, મેચ નિર્ધારિત પ્રમાણે રમી શકાય છે.

પિચ રિપોર્ટ

ભારત-પાકિસ્તાન મેચમાં વરસાદ મહત્વની ભૂમિકા ભજવી શકે છે. ન્યૂયોર્કમાં ભારતની પ્રથમ મેચમાં ભારતીય બોલરોએ આયર્લેન્ડને માત્ર 96 રનમાં આઉટ કરી દીધું હતું. તે જ સમયે, શ્રીલંકા અને સાઉથ આફ્રિકા વચ્ચે રમાયેલી પ્રથમ મેચમાં માત્ર નિમ્ન સ્કોર જોવા મળ્યો હતો, જે દર્શાવે છે કે ન્યૂયોર્કની નવી પિચો બોલરોને મદદ કરી રહી છે.

બંને ટીમોની સંભવિત પ્લેઈંગ-11

ભારત: રોહિત શર્મા (કેપ્ટન), વિરાટ કોહલી, સંજુ સેમસન, સૂર્યકુમાર યાદવ, શિવમ દુબે, રિષભ પંત (વિકેટકીપર), હાર્દિક પંડ્યા, રવિન્દ્ર જાડેજા, કુલદીપ યાદવ, જસપ્રિત બુમરાહ, અર્શદીપ સિંહ.

પાકિસ્તાન: મોહમ્મદ રિઝવાન (વિકેટકીપર), બાબર આઝમ (કેપ્ટન), ઉસ્માન ખાન, ફખર ઝમાન, આઝમ ખાન, ઈફ્તિખાર અહેમદ, શાદાબ ખાન, શાહીન શાહ આફ્રિદી, હારિસ રઉફ/મોહમ્મદ આમિર, નસીમ શાહ, અબરાર અહેમદ.