સાઉથ આફ્રિકા સામેની ત્રીજી ટી20 મેચમાં બેટ્સમેનોનો દબદબો રહ્યો હતો. સુપરસ્પોર્ટ પાર્કમાં બંને ટીમો તરફથી જોરદાર ચોગ્ગા અને છગ્ગાનો મારો થયો હતો. જોકે રનોના ઢગલા વચ્ચે ભારતનો ફાસ્ટ બોલર અર્શદીપ સિંહ ફરી એકવાર અસરકારક સાબિત થયો હતો. ટીમ ઈન્ડિયાના હાથમાંથી વિજય સરકી રહ્યો હોય તેવું લાગી રહ્યું હતું ત્યારે ડાબા હાથના ફાસ્ટ બોલરે મેચમાં વિકેટ લીધી હતી. અર્શદીપે છેલ્લી ઓવરમાં હેનરિક ક્લાસેન, રેયાન રિકલ્ટન અને માર્કો યાન્સનને પેવેલિયન મોકલીને ભારતીય ટીમની યાદગાર જીતની વાર્તા લખી હતી. ત્રણ વિકેટ લઈને અર્શદીપે જસપ્રીત બુમરાહ અને ભુવનેશ્વર કુમારને એક જ ઝાટકે પાછળ છોડી દીધા છે.
અર્શદીપ સિંહે કર્યો કમાલ
દક્ષિણ આફ્રિકાને અર્શદીપ સિંહે પહેલો ઝટકો આપ્યો હતો. અર્શદીપે શાનદાર બોલ પર રેયાન રિકલ્ટનને ક્લીન બોલિંગ કરીને પેવેલિયનનો રસ્તો બતાવ્યો હતો. આ પછી પોતાના બીજા સ્પેલમાં પરત ફરેલા અર્શદીપે બેટથી ઘણો ધૂમ મચાવી રહેલા હેનરિક ક્લાસેનને આઉટ કર્યો હતો. ક્લાસન 22 બોલમાં 41 રન બનાવીને આઉટ થયો હતો. છેલ્લી ઓવર સુધી પણ સુકાની સૂર્યકુમારે અર્શદીપ પર વિશ્વાસ દર્શાવ્યો હતો અને પંજાબના બેટ્સમેન સંપૂર્ણ રીતે કેપ્ટનના વિશ્વાસ પર ખરા ઉતર્યા હતા. અર્શદીપે 16 બોલમાં 54 રન બનાવીને ભારતની જીતને હારમાં ફેરવવાનો પ્રયાસ કરી રહેલા માર્કો જેન્સનને પેવેલિયન મોકલીને ટીમ ઈન્ડિયાની જીત પર મહોર મારી હતી.
આ કારનામું કરનારો ભારતીય ફાસ્ટ બોલર
મેચમાં ત્રણ વિકેટ સાથે અર્શદીપ ભારત માટે T-20 ઈન્ટરનેશનલમાં સૌથી વધુ વિકેટ લેનારો ઝડપી બોલર બની ગયો છે. તેણે આ મામલે ભુવનેશ્વર કુમાર અને જસપ્રીત બુમરાહને પાછળ છોડી દીધા છે. અર્શદીપના નામે હવે T-20માં કુલ 92 વિકેટ છે. ભુવનેશ્વરે આ ફોર્મેટમાં 90 વિકેટ ઝડપી છે, જ્યારે જસપ્રિત બુમરાહે અત્યાર સુધીમાં 89 વિકેટ લીધી છે. તેની ચાર ઓવરના સ્પેલમાં અર્શદીપે 37 રન આપીને ત્રણ વિકેટ ઝડપી હતી.
ચહલના રેકોર્ડ પર નજર
અર્શદીપની નજર હવે દક્ષિણ આફ્રિકા સામેની ચોથી T20 મેચમાં યુઝવેન્દ્ર ચહલના મોટા રેકોર્ડ પર રહેશે. વાસ્તવમાં ભારત માટે T-20 ઈન્ટરનેશનલમાં સૌથી વધુ વિકેટ લેવાનો રેકોર્ડ ચહલના નામે છે. ચહલે આ ફોર્મેટમાં ભારત માટે કુલ 96 વિકેટ લીધી છે. જો અર્શદીપ શ્રેણીની છેલ્લી T20માં 5 વિકેટ લેવામાં સફળ રહે છે તો તે ક્રિકેટના સૌથી ટૂંકા ફોર્મેટમાં ભારત માટે સૌથી વધુ વિકેટ લેનારો બોલર બની જશે.
