- આજે ભારત અન સાઉથ આફ્રિકા વચ્ચે મેચ રમાશે
- આ મેચ કોલકાતાના ઈડન ગાર્ડન ખાતે રમાશે
- વર્લ્ડ કપ સેમિફાઈનલમાં બંને ટીમો થઈ ગઈ છે ક્વોલિફાઈ
ગણતરીની કલાકોમાં ભારત અને દક્ષિણ આફ્રિકા વચ્ચે આજે 91મી ODI મેચ રમાશે. આ મેચ કોલકાતાના ઈડન ગાર્ડન ખાતે રમાવાની છે. ભારતીય સમય અનુસાર બપોરે 2 કલાકે મેચ શરુ થશે. તેની પહેલા જો બંને દેશોના આંકડા પર નજર કરી તો કોનું પલડું ભારે દેખાય છે. જુઓ આંકડાઓ....
વર્લ્ડ કપમાં કુલ 5 વખત આમને-સામને
ભારત અને સાઉથ આફ્રિકા વચ્ચે વર્લ્ડકપમાં કુલ 5 મેચ રમાઈ છે. જેમાંથી સાઉથ આફ્રિકાની 3 અને ભારતની 2 મેચમાં જીત થઈ છે. વર્ષ 2015ના વર્લ્ડકપમાં ભારતે પ્રથમ વખત સાઉથ આફ્રિકાને હરાવ્યું હતું. જે બાદ વર્ષ 2019ના વર્લ્ડકપમાં પણ ભારતે સાઉથ આફ્રિકાને હરાવ્યું હતું. ગત વર્લ્ડકપમાં રોહિત શર્માએ સાઉથ આફ્રિકા વિરુદ્ધ સદી ફટકારી હતી.
આજે 91મી ODI મેચ રમાશે
આજે ટીમ ઇન્ડિયા વર્લ્ડ કપ 2023માં દક્ષિણ આફ્રિકા સામે ટકરાશે. આ મેચ હવે ટૂંક સમયમાં કોલકાતાના ઈડન ગાર્ડન્સમાં શરૂ થવા જઈ રહી છે. આ મેચ નજીકની હરીફાઈની અપેક્ષા છે. કારણ કે આ ટૂર્નામેન્ટમાં બંને ટીમોનું પ્રદર્શન શાનદાર રહ્યું છે અને બંનેએ સેમીફાઈનલની ટિકિટ પણ કન્ફર્મ કરી લીધી છે. ભારત અને દક્ષિણ આફ્રિકાની ટીમો વચ્ચે આ 91મી ODI મેચ હશે. અગાઉની 90 મેચોમાં સાઉથ આફ્રિકાનો હાથ ઉપર હતો. પ્રોટીઝ ટીમે 50 મેચ જીતી છે, જ્યારે ટીમ ઈન્ડિયા માત્ર 37 મેચ જીતી શકી છે. ત્રણ મેચ અનિર્ણિત રહી છે. જાણો આ 90 હેડ ટુ હેડ મેચોમાં ટોપ-10 રેકોર્ડ ક્યાં છે....
- હાઈએસ્ટ સ્કોરઃ આ રેકોર્ડ દક્ષિણ આફ્રિકાના નામે છે. 25 ઓક્ટોબર 2015ના રોજ વાનખેડે ખાતે રમાયેલી મેચમાં પ્રોટીઝ ટીમે ભારત સામે 4 વિકેટ ગુમાવીને 438 રન બનાવ્યા હતા.
- લોએસ્ટ સ્કોરઃ આ શરમજનક રેકોર્ડ ટીમ ઈન્ડિયાના નામે છે. 22 નવેમ્બર 2006ના રોજ દક્ષિણ આફ્રિકા સામેની ડરબન વનડેમાં ભારતીય ટીમ 91 રનમાં ઓલઆઉટ થઈ ગઈ હતી.
- સૌથી મોટી જીતઃ ઓક્ટોબર 2015માં દક્ષિણ આફ્રિકાએ વાનખેડે ODIમાં ટીમ ઈન્ડિયાને 214 રનથી હરાવ્યું હતું.
- સૌથી નજીકની જીત: 21 ફેબ્રુઆરી 2010ના રોજ જયપુર ODIમાં ભારતીય ટીમે દક્ષિણ આફ્રિકાને એક રનથી રોમાંચક હાર આપી હતી.
- સૌથી વધુ રન: માસ્ટર બ્લાસ્ટર સચિન તેંડુલકરે દક્ષિણ આફ્રિકા સામે 2001 રન બનાવ્યા છે. ભારત-દક્ષિણ આફ્રિકા વનડે મેચમાં 2000 રનનો આંકડો સ્પર્શનાર તે એકમાત્ર બેટ્સમેન છે.
- શ્રેષ્ઠ ઇનિંગ્સઃ અહીં પણ સચિન લીડમાં છે. તેણે ફેબ્રુઆરી 2010માં ગ્વાલિયર ODIમાં દક્ષિણ આફ્રિકા સામે 147 બોલમાં 200 રનની અણનમ ઇનિંગ રમી હતી.
- સૌથી વધુ સદી: ક્વિન્ટન ડી કોક અને એબી ડી વિલિયર્સ ભારત-દક્ષિણ આફ્રિકા વનડે મેચોમાં 6-6 સદી ફટકારીને આ બાબતમાં નંબર-1 સ્થાન પર છે.
- સૌથી વધુ છગ્ગાઃ અહીં ડી વિલિયર્સ 41 છગ્ગા સાથે ટોચ પર છે. તેણે ભારત સામે 32 મેચમાં આ સિક્સર ફટકારી છે.
- સૌથી વધુ વિકેટઃ ભૂતપૂર્વ ઓલરાઉન્ડર શોન પોલોકના ખાતામાં ભારત સામે 48 વિકેટ છે.
- શ્રેષ્ઠ બોલિંગ ઇનિંગ્સ: ભૂતપૂર્વ ભારતીય સ્પિનર સુનિલ જોશીએ સપ્ટેમ્બર 1999માં નૈરોબીમાં રમાયેલી દક્ષિણ આફ્રિકા સામેની મેચમાં માત્ર 6 રન આપીને 5 વિકેટ લીધી હતી.
