ભારતીય ટીમે પ્રથમ T20 મેચમાં દક્ષિણ આફ્રિકાને આસાનીથી હરાવ્યું હતું. સૂર્યકુમાર યાદવની આગેવાની હેઠળની ટીમ ઈન્ડિયાએ 61 રનથી જીત મેળવી હતી. ભારતની જીતનો હીરો વિકેટકીપર બેટ્સમેન સંજુ સેમસન રહ્યો હતો. સંજુ સેમસને 50 બોલમાં 107 રનની જબરદસ્ત ઇનિંગ રમી હતી. તેણે પોતાની ઇનિંગમાં 7 ફોર અને 10 સિક્સર ફટકારી હતી. આ શાનદાર પ્રદર્શન માટે સંજુ સેમસનને પ્લેયર ઓફ ધ મેચનો એવોર્ડ આપવામાં આવ્યો હતો. આ પહેલા સંજુ સેમસને બાંગ્લાદેશ સામે સદી ફટકારી હતી. આ રીતે, સંજુ સેમસન સતત 2 ટી-20 મેચમાં સદી ફટકારનાર ખેલાડીઓની ખાસ યાદીમાં સામેલ થઈ ગયો છે.
'મારા ફેવરિટ હીરો...!'
સંજુ સેમસનની સદી પર પત્ની ચારૂલતા રમેશે ઈન્સ્ટાગ્રામ સ્ટોરી પોસ્ટ કરી છે. આ ફોટોમાં સંજુ સેમસનને સુપરહીરો તરીકે બતાવવામાં આવ્યો છે. ચારૂલતા રમેશે કેપ્શનમાં લખ્યું- માય ફોરેવર ફેવરિટ હીરો... હવે ચારૂલતા રમેશની ઈન્સ્ટાગ્રામ સ્ટોરી સોશિયલ મીડિયા પર ઝડપથી વાયરલ થઈ રહી છે. આ સિવાય સોશિયલ મીડિયા યુઝર્સ સતત કોમેન્ટ કરીને પોતાનો પ્રતિભાવ આપી રહ્યા છે.
ડરબન T20માં ભારતની શાનદાર જીત
તમને જણાવી દઈએ કે ભારત અને સાઉથ આફ્રિકા વચ્ચે 4 T20 મેચની સીરીઝની પ્રથમ મેચ ડરબનમાં રમાઈ હતી. પ્રથમ બેટિંગ કરવા આવેલી ભારતીય ટીમે 20 ઓવરમાં 8 વિકેટે 202 રન બનાવ્યા હતા. ભારત તરફથી સંજુ સેમસને 50 બોલમાં 107 રન બનાવ્યા હતા. તેણે પોતાની ઇનિંગમાં 7 ફોર અને 10 સિક્સર ફટકારી હતી.
આ સિવાય તિલક વર્માએ 18 બોલમાં 33 રનનું યોગદાન આપ્યું હતું. ભારતના 202 રનના જવાબમાં બેટિંગ કરવા આવેલી દક્ષિણ આફ્રિકાની ટીમ 17.5 ઓવરમાં 141 રનમાં ઓલઆઉટ થઈ ગઈ હતી. આ રીતે ભારતે 61 રને મેચ જીતી લીધી હતી. ભારત તરફથી વરુણ ચક્રવર્તી અને રવિ બિશ્નોઈએ સૌથી વધુ 3-3 વિકેટ લીધી હતી. આ સિવાય અવેશ ખાનને 2 સફળતા મળી. અર્શદીપ સિંહે 1 વિકેટ લીધી હતી.
