- ટેસ્ટ મેચમાં ટીમ ઈન્ડિયાની બેટિંગ અત્યાર સુધી ઘણી સારી રહી
- સ્મૃતિ મંધાનાએ ટેસ્ટ મેચમાં શાનદાર સદી ફટકારી
- સ્મૃતિ મંધાનાએ પૂર્વ કેપ્ટન મિતાલી રાજનો રેકોર્ડ પણ તોડ્યો
ભારતીય મહિલા ક્રિકેટ ટીમ અને દક્ષિણ આફ્રિકાની ટીમ વચ્ચે ટેસ્ટ મેચ ચેન્નાઈમાં રમાઈ રહી છે. આ મેચમાં ટીમ ઈન્ડિયાની બેટિંગ અત્યાર સુધી ઘણી સારી રહી છે. ટીમ ઈન્ડિયાની ઓપનિંગ બેટ્સમેન સ્મૃતિ મંધાનાએ આ મેચની પહેલી ઈનિંગમાં શાનદાર બેટિંગ કરી અને શાનદાર સદી ફટકારી. આ સિવાય સ્મૃતિ મંધાનાએ ટીમ ઈન્ડિયાની પૂર્વ કેપ્ટન મિતાલી રાજનો એક ખાસ રેકોર્ડ પણ તોડ્યો છે.
સ્મૃતિએ મિતાલી રાજનો રેકોર્ડ તોડ્યો
સ્મૃતિ મંધાનાએ દક્ષિણ આફ્રિકા સામેની એકમાત્ર ટેસ્ટ મેચની પહેલી ઈનિંગમાં શાનદાર બેટિંગનું પ્રદર્શન કર્યું હતું. સ્મૃતિ મંધાનાએ બેટિંગ કરી અને 149 રનની ઈનિંગ રમી. આ ઈનિંગમાં મંધાનાએ 27 ચોગ્ગા અને એક શાનદાર સિક્સર ફટકારી હતી. આ સાથે સ્મૃતિએ ટેસ્ટ ક્રિકેટમાં કોઈપણ મહિલા ક્રિકેટર દ્વારા સૌથી વધુ ચોગ્ગા મારવાનો રેકોર્ડ તોડી નાખ્યો છે. જે અત્યાર સુધી ટીમ ઈન્ડિયાની પૂર્વ કેપ્ટન મિતાલી રાજના નામે હતું. જેણે ટેસ્ટ ક્રિકેટમાં 87 ચોગ્ગા ફટકાર્યા હતા. હવે સ્મૃતિના નામે 90 ચોગ્ગા છે.
સ્મૃતિ મંધાનાનું શાનદાર ફોર્મ
સ્મૃતિ મંધાનાએ તેની સદી માટે 122 બોલનો સામનો કર્યો હતો. છેલ્લી પાંચ મેચમાં સ્મૃતિની આ ચોથી સદી છે. તેણે દક્ષિણ આફ્રિકા સામેની વનડે સિરીઝમાં બે સદી ફટકારી હતી. મંધાના 149 રન બનાવીને આઉટ થઈ ગઈ હતી.
90 વર્ષમાં પહેલીવાર બની આ ઘટના
બંને ખેલાડીઓ વચ્ચે પ્રથમ વિકેટ માટે 292 રનની ભાગીદારી કરી હતી. મહિલા ટેસ્ટ ક્રિકેટના 90 વર્ષના ઈતિહાસમાં આ પ્રથમ વખત બન્યું છે જ્યારે ઓપનિંગ જોડીએ 250થી વધુ રનની ભાગીદારી કરી હોય. ટેસ્ટ ક્રિકેટમાં કોઈપણ વિકેટ માટે ભારત તરફથી આ સૌથી મોટી ભાગીદારી છે. આ પહેલા વર્ષ 2014માં થિરસ કામિની અને પૂનમ રાઉતે સાઉથ આફ્રિકા સામે 275 રનની ભાગીદારી કરી હતી.
