કોચ તરીકે કેવા સાબિત થશે ગૌતમ ગંભીર? પૂર્વ પસંદગીકારે કહી મોટી વાત

• ભારત અને શ્રીલંકા વચ્ચે 3 મેચની ODI અને T20 સિરીઝ રમાશે
  
• ટીમ નવા હેડ કોચ ગૌતમ ગંભીરની કોચ તરીકે પ્રથમ સિરીઝ હશે
• ગંભીરના નેતૃત્વમાં ટીમ ઈન્ડિયાનો નવો યુગ શરૂ થવાનો છે

ટીમ ઈન્ડિયા હાલ શ્રીલંકાના પ્રવાસે છે. જ્યાં ભારતીય ટીમ નવા હેડ કોચ ગૌતમ ગંભીરના નેતૃત્વમાં ODI અને T20 સિરીઝ રમવા જઈ રહી છે. હવે ગંભીરના નેતૃત્વમાં ટીમ ઈન્ડિયાનો નવો યુગ શરૂ થવાનો છે. ગંભીર શ્રીલંકા પ્રવાસથી આગામી ચેમ્પિયન્સ ટ્રોફીની તૈયારીઓ શરૂ કરવા જઈ રહ્યો છે.

જ્યાં એક તરફ T20 સિરીઝમાં યુવા ટીમ જોવા મળશે તો બીજી તરફ વનડે સિરીઝમાં સિનિયર અને યુવા ખેલાડીઓનું મિશ્રણ જોવા મળશે. હવે સૌથી મોટો સવાલ એ છે કે ગૌતમ ગંભીર ટીમ ઈન્ડિયાનો કોચ કેવી રીતે સાબિત થશે. જેનો જવાબ એક ઈન્ટરવ્યૂમાં ટીમ ઈન્ડિયાના પૂર્વ ક્રિકેટર અને પસંદગીકાર સબા કરીમે આપ્યો હતો.

કેવી હશે ગંભીરની કોચિંગ સ્ટાઈલ

પૂર્વ ક્રિકેટર અને સિલેક્ટર સબા કરીમે એક ઈન્ટરવ્યૂમાં કહ્યું કે જે રીતે ગૌતમ ગંભીરની રમવાની સ્ટાઈલ રહી છે, તેની કોચિંગ સ્ટાઈલ પણ એવી જ હશે અને એવું હોવું જોઈએ. દરેક કોચ અને કેપ્ટન પોતાની રીતે મેદાન પર આવે છે અને પ્રદર્શન કરવાનો પ્રયાસ કરે છે. તેણે વધુમાં કહ્યું કે જો આપણે વિચારીએ કે ગંભીરનું કોચિંગ પણ રવિ શાસ્ત્રી અને રાહુલ દ્રવિડના કોચિંગ જેવું જ હશે તો તે ખોટું છે. જેમ આપણે ગૌતમ ગંભીરને એક ખેલાડી તરીકે રમતા જોયો છે, તેમ તેની કોચિંગ સ્ટાઈલ પણ તેવી જ જોવા મળશે.

ત્રણ મેચની T20 સિરીઝનું પૂર્ણ શેડ્યૂલ

• પ્રથમ T20 મેચ (27 જુલાઈ)
• બીજી T20 મેચ (28 જુલાઈ)
• ત્રીજી T20 મેચ (30 જુલાઈ)