- તુષાર દેશપાંડેએ ટીમ ઈન્ડિયા માટે ટી20માં ડેબ્યૂ કર્યું છે
- તુષાર આઈપીએલમાં સીએસકે માટે રમે છે
- તેને એમએસ ધોનીનો ફેવરિટ ખેલાડી માનવામાં આવે છે
ઘણા યુવા ખેલાડીઓને ભારત અને ઝિમ્બાબ્વે વચ્ચે રમાઈ રહેલી ટી20 સિરીઝમાં ડેબ્યૂ કરવાની તક મળી છે. તુષાર દેશપાંડેએ શનિવારે ચોથી ટી20 ઈન્ટરનેશનલ મેચમાં ભારતીય ટીમ માટે ડેબ્યૂ કર્યું હતું. ઈન્ડિયન પ્રીમિયર લીગમાં ચેન્નાઈ સુપર કિંગ્સ તરફથી રમતા તુષારે શાનદાર બોલિંગ પ્રદર્શન કર્યું હતું. આ સિઝનમાં તેને 13 મેચમાં 17 વિકેટ લીધી હતી. તમને જણાવી દઈએ કે કોણ છે આ પ્રતિભાશાળી બોલર.
કોણ છે તુષાર દેશપાંડે?
તુષાર દેશપાંડે રાઈટ હેન્ડના મીડિયમ-ફાસ્ટ બોલર અને લેફ્ટ હેન્ડ બેટ્સમેન છે. તુષાર 29 વર્ષનો છે. તુષારનો જન્મ 15 મે, 1995ના રોજ મુંબઈમાં થયો હતો. તુષારે મુંબઈ ક્રિકેટ સર્કિટમાં 2015-16 કૂચ બિહાર ટ્રોફી દરમિયાન માત્ર ચાર મેચમાં 21 વિકેટ લઈને શાનદાર પ્રદર્શન કર્યું હતું. આ તોફાની પ્રદર્શનથી તેને ક્રિકેટના મેદાનમાં ધૂમ મચાવી દીધી હતી.
બી ટીમમાં સમાવેશ
તેના શાનદાર પ્રદર્શનને કારણે તે જ વર્ષે તેની મુંબઈ રણજી ટ્રોફી ટીમમાં પસંદગી કરવામાં આવી હતી. તુષારે 19 સપ્ટેમ્બરે તમિલનાડુ સામે ડેબ્યૂ કર્યું હતું. તેને વિજય હજારે ટ્રોફીમાં 19 સપ્ટેમ્બર 2018ના રોજ તેની પહેલી લિસ્ટ એ મેચ રમી હતી. જ્યાં તેણે ક્વાર્ટર ફાઈનલ મેચમાં 5 વિકેટ ઝડપી હતી. આ પછી તેને ઓગસ્ટ 2019માં દુલીપ ટ્રોફી માટે 'બી' ટીમમાં સ્થાન મળ્યું. તેના સતત પ્રદર્શનથી આઈપીએલ ફ્રેન્ચાઈઝીઓનું ધ્યાન આકર્ષિત થવા લાગ્યું. તેને ચાર વર્ષ પહેલા દિલ્હી કેપિટલ્સ દ્વારા 2020 સીઝન માટે તેની મૂળ કિંમતે ખરીદ્યો હતો. પરંતુ તેને પોતાની ડેબ્યૂ સિઝનમાં 6 મેચ રમી અને માત્ર 3 વિકેટ લીધી.
2022 માં ચૈન્નાઈમાં જોડાયો
ત્યારબાદ 2022ની મેગા ઓક્શનમાં ચેન્નાઈ સુપર કિંગ્સે તેને 20 લાખ રૂપિયાની બેઝ પ્રાઈસ પર સાઈન કર્યો હતો. પરંતુ તે સિઝનમાં માત્ર એક જ મેચ રમી શક્યો હતો. જેમાં તુષારે 2 વિકેટ ઝડપી હતી, પરંતુ 2023ની સિઝનમાં તુષારે એટલી શાનદાર બોલિંગ કરી કે બધા હેરાન થઈ ગયા. તુષારે 16 મેચમાં 21 વિકેટ ઝડપી હતી. એમએસ ધોની તેને સતત તક આપી રહ્યો છે. જેના પર તે પણ ખરો ઉતર્યો છે, તેથી તેને ધોનીનો ફેવરિટ માનવામાં આવે છે.
Image - X
