- ભારત અને ઝિમ્બાબ્વે વચ્ચે 5 T20 મેચોની સિરીઝ આજથી શરૂ થશે
- કેપ્ટન શુભમન ગીલના નેતૃત્વમાં ટીમ ઈન્ડિયા મેદાનમાં ઉતરશે
- હરારે સ્પોર્ટ્સ ક્લબની પિચનો મિજાજ કેવો છે!
ભારત અને ઝિમ્બાબ્વે વચ્ચે 5 T20 ક્રિકેટ મેચોની સિરીઝ આજથી શરૂ થઈ રહી છે. યુવા સ્ટાર્સથી સજેલી ભારતીય ટીમને અનુભવી ઝિમ્બાબ્વે ક્રિકેટ ટીમના પડકારનો સામનો કરવો પડશે. કેપ્ટન શુભમન ગીલના નેતૃત્વમાં ટીમ ઈન્ડિયા આ મેચ જીતીને ટી-20 ક્રિકેટમાં સૌથી વધુ જીતનો રેકોર્ડ બનાવવા ઈચ્છશે. આ મેચ હરારે સ્પોર્ટ્સ ક્લબમાં સાંજે 4.30 કલાકે રમાશે. જાણીએ કે હરારે સ્પોર્ટ્સ ક્લબની પિચનો મિજાજ અને અહીં કોનો હાથ ઉપર છે.
ટોસની ભૂમિકા શું હશે?
હરારે સ્પોર્ટ્સ ક્લબના મેદાન પર અત્યાર સુધીમાં કુલ 50 આંતરરાષ્ટ્રીય ક્રિકેટ મેચ રમાઈ છે. જેમાં પ્રથમ બેટિંગ કરનારી ટીમ 29 વખત જીતી છે. જ્યારે 20 વખત ટાર્ગેટનો પીછો કરનાર ટીમનો વિજય થયો છે. અહીં સામાન્ય રીતે ટોસ જીતનારી ટીમ બેટિંગ કરવાનું પસંદ કરે છે. ભારતીય ટીમના કેપ્ટન શુભમન ગિલ પણ આ મેચમાં ટોસ જીતીને પ્રથમ બેટિંગ કરીને મોટો સ્કોર બનાવવાનો પ્રયાસ કરશે.
કેટલા રન બનશે?
હરારે સ્પોર્ટ્સ ક્લબના મેદાનમાં પ્રથમ દાવનો સરેરાશ સ્કોર 156 રન છે. જ્યારે બીજી ઇનિંગ્સનો સરેરાશ સ્કોર 133 રન છે. જો ભારતીય ટીમ પ્રથમ બેટિંગ કરશે તો તેને 152થી વધુનો સ્કોર બનાવવો પડશે. પરંતુ જો ટીમ ઈન્ડિયા પહેલા બોલિંગ કરશે તો ટીમના બોલરોએ ઝિમ્બાબ્વેને 130થી ઓછા સ્કોર સુધી રોકવી પડશે.
બોલર કે બેટ્સમેન, કોને થશે ફાયદો?
હરારે સ્પોર્ટ્સ ક્લબની પીચ બોલરો અને બેટ્સમેન બંનેને વધારાનો ટેકો પૂરો પાડે છે. મેચની શરૂઆતમાં પેસર્સનો બોલ સ્વિંગ થાય છે અને તેઓ વિકેટ લે છે. ઝડપી બોલિંગ કરનારા સ્પિન બોલરોને અહીં વધારાની મદદ મળે છે.
અહીં 2 મેચ હારી ચૂક્યું છે ભારત
ટીમ ઈન્ડિયા આ મેદાન પર અત્યાર સુધીમાં કુલ 7 T20 મેચ રમી છે. તેમાંથી ટીમે 5 મેચ જીતી છે જ્યારે ટીમ ઈન્ડિયાને પણ 2 મેચમાં હારનો સામનો કરવો પડ્યો છે. બંને ટીમો વચ્ચે છેલ્લી મેચ 2016માં રમાઈ હતી. ત્યારબાદ ભારતે 3 મેચની શ્રેણી 2-1થી જીતી લીધી હતી. શ્રેણીની પ્રથમ T20 મેચમાં ઝિમ્બાબ્વેએ ભારતીય ટીમને 2 રને હરાવ્યું હતું.
