- હરમનપ્રીત કૌરની કેપ્ટનશીપમાં ભારતીય ટીમ શાનદાર ફોર્મમાં
- ભારતે સાઉથ આફ્રિકા સામેની વનડે સિરીઝ 3-0થી જીતી હતી
- હવે બંને ટીમો વચ્ચે 3 મેચની T20 સિરીઝ રમાવાની છે
હરમનપ્રીત કૌરની કેપ્ટનશીપમાં ભારતીય ટીમ શાનદાર ફોર્મમાં છે. ભારતીય મહિલા ટીમે સાઉથ આફ્રિકા સામેની વનડે સિરીઝ 3-0થી જીતી હતી. આ પછી એકમાત્ર ટેસ્ટ મેચમાં પણ આફ્રિકન ટીમનો પરાજય થયો હતો. હવે બંને ટીમો વચ્ચે 3 મેચની T20 સિરીઝ રમાવાની છે. પ્રથમ મેચ 5 જુલાઈએ ચેન્નાઈના એમએ ચિદમ્બરમ સ્ટેડિયમમાં સાંજે 7 વાગ્યે રમાશે. ભારતીય ટીમ T20 શ્રેણીમાં પણ સારું પ્રદર્શન કરવા ઈચ્છશે.
તમે આ ચેનલ પર લાઈવ મેચ જોઈ શકો છો
તમે સ્પોર્ટ્સ 18 ચેનલ પર ભારતમાં ભારતીય મહિલા ટીમ અને સાઉથ આફ્રિકાની મહિલા ટીમ વચ્ચેની T20 આંતરરાષ્ટ્રીય મેચનું જીવંત પ્રસારણ જોઈ શકો છો. તમે Jio Cinema એપ પર આ મેચનું લાઈવ સ્ટ્રીમિંગ જોઈ શકો છો. તમે Jio સિનેમા પર ભારત અને સાઉથ આફ્રિકા મેચનું ટેલિકાસ્ટ મફતમાં જોઈ શકો છો. તમારે ફક્ત તમારો ડેટા ખર્ચ કરવો પડશે.
ભારતીય ખેલાડીઓ ખૂબ સારા ફોર્મમાં છે. સ્મૃતિ મંધાના અને હરમનપ્રીત કૌરે વનડે સિરીઝમાં સદી ફટકારી હતી. જ્યારે મંધાનાએ સતત બે મેચમાં સદી ફટકારી હતી. આ સિવાય શેફાલી વર્માએ ટેસ્ટ મેચમાં બેવડી સદી ફટકારી હતી. તેના કારણે જ ટીમ ઈન્ડિયા મેચ જીતવામાં સફળ રહી હતી. હવે T20 સિરીઝમાં સારૂ પ્રદર્શન કરવાની જવાબદારી આ ખેલાડીઓ પર રહેશે.
T20 સિરીઝ શેડ્યૂલ:
5 જુલાઈ: પ્રથમ T20, ચેન્નાઈ, સાંજે 7 વાગ્યાથી
7 જુલાઈ: બીજી T20, ચેન્નાઈ, સાંજે 7 વાગ્યાથી
9 જુલાઈ: ત્રીજી T20, ચેન્નાઈ, સાંજે 7 વાગ્યાથી
T20 સિરીઝ માટે બંને ટીમોની ટીમઃ
ભારતીય મહિલા ટીમઃ હરમનપ્રીત કૌર (કેપ્ટન), સ્મૃતિ મંધાના (વાઈસ-કેપ્ટન), શેફાલી વર્મા, દયાલન હેમલતા, ઉમા છેત્રી (વિકેટકીપર), રિચા ઘોષ (વિકેટકીપર), જેમિમાહ રોડ્રિગ્સ, સજના સજીવન, દીપ્તિ શર્મા, શ્રેયંકા પાટીલ, રાધા યાદવ, અમનજોત કૌર, આશા શોભના, પૂજા વસ્ત્રાકર, રેણુકા સિંહ ઠાકુર, અરુંધતી રેડ્ડી.
સાઉથ આફ્રિકાની ટીમ: લૌરા વોલ્વાર્ડ (કેપ્ટન), એનેકે બોશ, ટાઝમીન બ્રિટ્સ, નાદીન ડી ક્લાર્ક, એની ડર્કસેન, મીકે ડી રીડર, સિનાલો જાફ્ટા, મારિઝાન કાપ, અયાબોંગા ખાકા, મસાબાટા ક્લાસ, સુની લુસ, એલિસ-મેરી માર્ક્સ, નોનકુલુલેકો મલાબા, તુમી સેખુખુને, ક્લો ટ્ર્યોન.
