IND vs WI: આંતરાષ્ટ્રીય ક્રિકેટમાં શુભમન ગિલે બનાવ્યા 2500 રન

• શુભમને 2500 રન પૂર્ણ કર્યા
  
• વેસ્ટ ઈન્ડીઝ વિરુદ્ધની મેચમાં મેળવી સિદ્ધી
• શુભમન ભારત માટે 26 વનડે રમ્યો

ભારત અને વેસ્ટ ઈન્ડીઝ વચ્ચે 3 વનડે મેચની સીરિઝની બીજી મેચ બારબાડોસમાં રમવામાં આવી રહી છે. આ મેચમાં વેસ્ટ ઈન્ડીઝના કેપ્ટન શાઈ હોપે ટોસ જીતીને બોલિંગ કરવાનો નિર્ણય લીધો છે, ત્યારે આ મેચમાં શુભમન ગિલે 2 હજાર 500 આંતરરાષ્ટ્રીય રન બનાવ્યા છે.

અત્યાર સુધી શુભમનનું કરિયર કેવું રહ્યું?

શુભમન ગિલ અત્યાર સુધી 18 ટેસ્ટ મેચ, 26 વનડે અને 6 T-20 મેચ રમ્યો છે. શુભમને 18 ટેસ્ટ મેચમાં 58.97ની સ્ટ્રાઈક રેટ સાથે 966 રન બનાવ્યા છે. જેમાં શુભમને 2 સદી પણ ફટાકરી છે. સાથે 26 વનડે મેચમાં 104.89ની સ્ટ્રાઈક રેટ સાથે 1 હજાર 352 રન બનાવ્યા છે. જેમાં શુભમને 4 સદી ફટકારી છે.

IPLમાં શુભમનનું પ્રદર્શન

શુભમન ગિલે 6 T-20 મેચમાં ભારતનું પ્રતિનિધિત્વ કર્યું છે. આ 6 મેચમાં શુભમને 165.57ની સ્ટ્રાઈક રેટ સાથે 202 રન બનાવ્યા છે. આ ઉપરાંત શુભમન ગિલ IPLના 91 મેચ રમ્યો છે. IPLમાં શુભમન કોલકાતા નાઈટ રાઈડર્સ અને ગુજરાત ટાઈટન્સ માટે રમી ચૂક્યો છે. અત્યારે શુભમન હાર્દિક પંડ્યાના નૈતૃત્વવાળી ગુજરાત ટાઈટન્સનો ભાગ છે. IPLમાં ગિલે 3 વખત સદી ફટાકારી છે.