- વાનખેડે સ્ટેડિયમમાં ભારત અને ઓસ્ટ્રેલિયા મહિલા ક્રિકેટ ટીમ વચ્ચે મેચ
- ઓસ્ટ્રેલિયાએ ટોસ જીતીને પ્રથમ બેટિંગ કરવાનો નિર્ણય કર્યો
- દીપ્તી શર્માએ 10 ઓવરમાં 5 વિકેટ લીધી
મુંબઈના વાનખેડે સ્ટેડિયમમાં ભારત અને ઓસ્ટ્રેલિયા મહિલા ક્રિકેટ ટીમો વચ્ચે બીજી ODI રમાઈ રહી છે. ઓસ્ટ્રેલિયાએ ટોસ જીતીને પ્રથમ બેટિંગ કરવાનો નિર્ણય કર્યો હતો. આ દરમિયાન ભારતીય ટીમની ઓફ સ્પિનર દીપ્તી શર્માએ શાનદાર બોલિંગ કરીને ઓસ્ટ્રેલિયાને ઘૂંટણિયે લાવી દીધું હતું. દીપ્તીએ ભારત માટે 10 ઓવરમાં 3.80ની ઈકોનોમી પર 38 રન આપીને 5 વિકેટ લીધી.
દીપ્તી શર્માનો પંજો
દીપ્તીએ ઈનિંગમાં તેની પ્રથમ વિકેટની 24મી ઓવરના બીજા બોલ પર એલિસા પેરીને કેચ આઉટ કરાવ્યો. જે 47 બોલમાં 50 રન બનાવીને બેટિંગ કરી રહી હતી. તે પછી, તેણે ઇનિંગ્સની 28મી ઓવરના છેલ્લા બોલ પર બેથ મૂનીને એલબીડબ્લ્યુ આઉટ કરી. આ પછી તેણે તાહલિયા મેકગ્રાને 24 રને બોલ્ડ કરી હતી. મેકગ્રાએ પોતાની ઇનિંગ દરમિયાન બે ચોગ્ગા ફટકાર્યા હતા.ત્યારબાદ તેણે ઇનિંગ્સની 46મી ઓવરના પ્રથમ બોલ પર જ્યોર્જિયા વેરહેમને સ્મૃતિ મંધાનાના હાથે કેચ આઉટ કરાવી હતી. દીપ્તીએ એનાબેલ સધરલેન્ડની પાંચમી વિકેટ લીધી હતી. સધરલેન્ડ 29 બોલમાં 23 રન બનાવીને બેટિંગ કરી રહી હતી.
રેણુકા સિંહ અને અમનજોત કૌરને ન મળી વિકેટ
ભારતીય ટીમના અન્ય બોલરોની વાત કરીએ તો પૂજા વસ્ત્રાકર, શ્રેયંકા પાટિલ, સ્નેહ રાણાએ એક-એક વિકેટ લીધી હતી. જ્યારે રેણુકા સિંહ અને અમનજોત કૌરને એક પણ વિકેટ મળી ન હતી. ઓસ્ટ્રેલિયા તરફથી ફોબી લિચફિલ્ડે સૌથી વધુ રન બનાવ્યા હતા. તેણે 98 બોલનો સામનો કરીને 63 રનની ઇનિંગ રમી, બીજા સ્થાને રહેલી એલિસા પેરીએ 47 બોલમાં 50 રન બનાવ્યા.
શ્રેયંકાએ મળી પ્રથમ વનડે વિકેટ
હવે જોવાનું એ રહે છે કે શું ભારત ત્રણ મેચની સિરીઝની આ મેચમાં જીત સાથે વાપસી કરશે અને સ્કોર 1-1થી બરાબર કરવામાં સફળ રહેશે કે કેમ. ટીમ ઈન્ડિયા માટે આ મેચમાં દીપ્તી ઉપરાંત સ્નેહ રાણા અને પૂજા વસ્ત્રાકરને પણ 1-1થી સફળતા મળી હતી. જ્યારે નવોદિત શ્રેયંકા પાટીલે એક વિકેટ લીધી હતી. શ્રેયંકાએ પોતાની ડેબ્યૂ મેચમાં જ શાનદાર બોલિંગ કરી હતી અને 10 ઓવરમાં 43 રન આપીને 1 વિકેટ લીધી હતી. તેણે સેટ બેટ્સમેન ફોબી લિચફિલ્ડની વિકેટ લીધી.
ભારત પાસે કમબેકનો મોકો
ભારતીય ટીમે પ્રથમ મેચમાં ઓસ્ટ્રેલિયન ટીમની લાઇનઅપ સામે 280થી વધુનો સ્કોર કર્યો હતો. જોકે, કાંગારૂ ટીમે તે મેચ 6 વિકેટે જીતી લીધી હતી. પરંતુ અહીં પહેલા રમતા ઓસ્ટ્રેલિયાએ ભારતને માત્ર 259 રનનો ટાર્ગેટ આપ્યો છે. વનડે ક્રિકેટમાં આ ખાસ લક્ષ્ય નથી. પ્રથમ મેચમાં ટીમ સ્મૃતિ મંધાના વિના પ્રવેશી હતી પરંતુ અહીં મંધાનાની વાપસી થઈ છે. આવી સ્થિતિમાં ટીમનો બેટિંગ ઓર્ડર મજબૂત છે.
