- બીસીસીઆઈએ 10 રેગ્યુલર વેન્યૂના ગ્રાઉન્ડ્સમેનને આપી ગિફ્ટ
- 10 વેન્યૂને 25 લાખ રૂપિયા, 3 વેન્યૂને 10 લાખ રૂપિયા આપવાની કરી જાહેરાત
- આઈપીએલની રમતમાં ગ્રાઉન્ડ્સમેનનો પણ રહે છે મોટો રોલ
કોલકાતા નાઈટ રાઈડર્સની જીત સાથે આઈપીએલ 2024નો અંત આવ્યો છે. KKRએ IPLની ત્રીજી ટ્રોફી જીતી છે. ફાઈનલ મેચ સાથે આઈપીએલની ઉત્તેજનાનો અંત આવ્યો છે. હવે કરોડો ક્રિકેટ ચાહકો ICC T20 વર્લ્ડ કપ 2024ની રાહ જોઈ રહ્યા છે. આ દરમિયાન BCCIએ એક મોટી જાહેરાત કરી છે. બીસીસીઆઈએ કુલ 10 નિયમિત સ્થળોના ગ્રાઉન્ડસમેનને ભેટ આપી છે. જેને લઈને ગ્રાઉન્ડસમેન પણ ખુશ થઈ ગયા છે. તો જાણો BCCIએ શું ગિફ્ટ આપી છે.
BCCIએ શું ભેટ આપી?
IPL 2024ની 10 મેચ નિયમિત ગ્રાઉન્ડ પર રમાઈ હતી. આ દસ સ્થળો તમામ 10 ટીમોના હોમ ગ્રાઉન્ડ છે. બીસીસીઆઈએ તે તમામ સ્થળોના ગ્રાઉન્ડસમેન માટે આ ભેટની જાહેરાત કરી છે. બીસીસીઆઈએ આ દસ સ્થળોને 25-25 લાખ રૂપિયાનું ઈનામ આપ્યું છે. એક સ્થળને 25 લાખ રૂપિયા મળ્યા છે, જે ગ્રાઉન્ડસમેનમાં વહેંચવામાં આવશે. આ સિવાય 3 સ્થળોને 10-10 લાખ રૂપિયા આપવામાં આવશે. આનાથી ગ્રાઉન્ડસમેન ખૂબ જ ખુશ છે. IPL ખતમ થતાની સાથે જ ગ્રાઉન્ડસમેનને આ મોટી ભેટ મળી છે. ગ્રાઉન્ડ્સમેન તે સ્ટાફ છે જે પીચ તૈયાર કરે છે, અથવા વરસાદ પડે ત્યારે મેદાનને ઢાંકી દે છે, અથવા જે કોઈ પણ રીતે સ્થળ પર ભૂમિકા ભજવે છે, તેમને ગ્રાઉન્ડ્સમેન કહેવામાં આવે છે.
કેવો રહ્યો મેચનો રોમાંચ?
IPL 2024 ની છેલ્લી મેચ ચેપૉક સ્ટેડિયમ, ચેન્નાઈ ખાતે રમાઈ હતી, જેમાં KKRનો વિજય થયો હતો. હૈદરાબાદને આ મેચમાં એકતરફી હારનો સામનો કરવો પડ્યો છે. હૈદરાબાદે ટોસ જીતીને પ્રથમ બેટિંગ કરવાનો નિર્ણય લીધો હતો. હૈદરાબાદના બે ખેલાડીઓ જેમણે આઈપીએલની આખી સિઝન દરમિયાન બોલરોને ડરાવી રાખ્યા હતા, ટ્રેવિસ હેડ અને અભિષેક શર્મા ફાઈનલ મેચમાં પોતાનો જાદુ ચલાવી શક્યા ન હતા. ટ્રેવિસ હેડ ગોલ્ડન ડક બન્યો હતો, જ્યારે અભિષેક શર્મા પણ માત્ર 2 રનના સ્કોર પર બોલ્ડ થયો હતો. હૈદરાબાદ તરફથી કેપ્ટન પેટ કમિન્સે સૌથી વધુ 24 રન બનાવ્યા. આ રીતે હૈદરાબાદ માત્ર 113ના સ્કોર પર તૂટી પડ્યું હતું. સરળ ટાર્ગેટ હાંસલ કરવા ઉતરેલી KKRની ટીમે માત્ર 10.3 ઓવરમાં 2 વિકેટ ગુમાવીને લક્ષ્ય હાંસલ કરી લીધું હતું. KKR તરફથી વેંકટેશ અય્યરે 52 રનની અણનમ ઇનિંગ રમી હતી.
