- ચેન્નાઈ સુપર કિંગ્સની ગુજરાત સામે 63 રને જીત
- રનની દ્રષ્ટિએ ગુજરાત ટાઈટન્સની સૌથી મોટી હાર
- મુંબઈ ઈન્ડિયન્સ સામે 23 રનથી હારી ગઈ હતી
IPL 2024ની બંને શરૂઆતી મેચો જીતનાર ચેન્નાઈ સુપર કિંગ્સ નવા અને યુવા કેપ્ટન રુતુરાજ ગાયકવાડની આગેવાનીમાં શાનદાર ફોર્મમાં જોવા મળી રહી છે. ગુજરાત ટાઇટન્સે પણ યુવા કેપ્ટન શુભમન ગિલની આગેવાનીમાં જીત સાથે શરૂઆત કરી હતી, પરંતુ હવે CSKએ તેમને બીજી મેચમાં હરાવ્યો હતો. આ પછી શુભમન ગિલની કેપ્ટન્સી ગુજરાત પર ડાઘ બની ગઈ. જ્યારે રુતુરાજની કેપ્ટન્સીમાં સીએસકેએ પહેલીવાર આ ટીમ સામે મોટી સિદ્ધિ નોંધાવી છે.
ગુજરાતના નામે અનિચ્છનિય રેકોર્ડ
CSKએ ગુજરાતની ટીમને 63 રને હરાવ્યું. ગુજરાત ટાઇટન્સની આ ત્રીજી સિઝન છે અને રનની દ્રષ્ટિએ આ તેમની અત્યાર સુધીની સૌથી મોટી હાર છે. આ પહેલા 2023માં ટીમ મુંબઈ ઈન્ડિયન્સ સામે 23 રનથી હારી ગઈ હતી. આ મેચમાં CSKએ પહેલા રમતા 206 રન બનાવ્યા હતા. જવાબમાં ગુજરાત 143 રન જ બનાવી શક્યું હતું.
CSKએ પ્રથમ વખત આ કારનામું કર્યું
તમને જણાવી દઈએ કે ગુજરાત ટાઇટન્સ અને ચેન્નાઈ સુપર કિંગ્સ આ પહેલા 2022 થી 2024 દરમિયાન IPLના ગ્રુપ સ્ટેજમાં ત્રણ વખત ટકરાયા હતા. પરંતુ દરેક વખતે ચેન્નાઈને હારનો સામનો કરવો પડ્યો હતો. પરંતુ પ્રથમ વખત યલો આર્મીએ ગ્રુપ સ્ટેજમાં ગુજરાત ટાઇટન્સને હરાવ્યું છે. આ સિવાય ચેન્નાઈએ ગયા વર્ષે ક્વોલિફાયર 1 અને ફાઈનલ મેચમાં બે વખત ગુજરાતને હરાવ્યું હતું.
CSKની ઘરઆંગણે સતત બીજી જીત
ચેન્નાઈ સુપર કિંગ્સે તેના હોમ ગ્રાઉન્ડ ચેપોકમાં પ્રથમ બે મેચ રમી છે. ટીમે બંનેમાં જીત મેળવી છે. CSkએ પ્રથમ મેચમાં RCBને હરાવ્યું હતું. ત્યાર બાદ બીજી મેચમાં ગુજરાતને ડિફેન્ડિંગ ચેમ્પિયન સામે પરાજય આપ્યો હતો. યુવા સુકાની રુતુરાજ ગાયકવાડની સુકાનીની શરૂઆત સારી થઈ છે. આ જીત સાથે ટીમ પોઈન્ટ ટેબલમાં પણ ટોપ પર આવી ગઈ છે.
