- મુંબઈ ઈન્ડિયન્સ અને દિલ્હી કેપિટલ્સ વચ્ચે મેચ
- જેક ફ્રેઝર-મેકગર્કે 27 બોલમાં 84 રન બનાવ્યા
- 84 માંથી 80 રન માત્ર બાઉન્ડ્રી દ્વારા જ બનાવ્યા
આઈપીએલની આ સિઝનમાં ઘણા રન થઈ રહ્યા છે. બેટ્સમેનો રેકોર્ડબ્રેક ઇનિંગ્સ રમતા જોવા મળે છે. દિલ્હી કેપિટલ્સના બેટ્સમેન જેક ફ્રેઝર-મેકગર્કે મુંબઈ સામેની મેચમાં આવી જ બેટિંગ કરી હતી. મુંબઈ ઈન્ડિયન્સ સામે રમતા મેકગર્કે માત્ર 15 બોલમાં ફિફ્ટી ફટકારી હતી. તેણે 300 પ્લસના સ્ટ્રાઈક રેટ સાથે વિસ્ફોટક બેટિંગ કરી. જોકે, તે ચેન્નાઈ સુપર કિંગ્સના ભૂતપૂર્વ વિસ્ફોટક બેટ્સમેન સુરેશ રૈનાનો રેકોર્ડ તોડી શક્યો નથી.
મેકગર્કે બાઉન્ડ્રીથી 80 રન બનાવ્યા
હકીકતમાં, તેની વિસ્ફોટક ઇનિંગ્સમાં, મેકગર્કે 27 બોલમાં 11 ચોગ્ગા-6 છગ્ગા ફટકાર્યા અને 311.11ના સ્ટ્રાઇક રેટથી કુલ 84 રન બનાવ્યા. 50+ રનની IPL ઇનિંગ્સમાં માત્ર બાઉન્ડ્રીથી બનેલા રનનો આ પાંચમો સૌથી વધુ સ્કોર છે. એટલે કે, તેની 84 રનની ઇનિંગ્સમાંથી, મેકગર્કે ફક્ત બાઉન્ડ્રીથી 80 રન બનાવ્યા. મેકગર્કે તેના 95.23 ટકા રન બાઉન્ડ્રીથી બનાવ્યા હતા.
સુરેશ રૈનાનો રેકોર્ડ તોડી શક્યો નથી
આ પહેલા તેણે સન રાઈઝર્સ હૈદરાબાદ સામે પણ તોફાની ઈનિંગ રમીને આવો જ રેકોર્ડ બનાવ્યો હતો. ત્યારબાદ તેણે 65માંથી 62 રન માત્ર બાઉન્ડ્રી દ્વારા જ બનાવ્યા હતા. જો કે, આ શાનદાર ઇનિંગ્સ છતાં તે સુરેશ રૈનાના રેકોર્ડથી પાછળ રહ્યો હતો.
રૈનાએ 87માંથી 84 રન બાઉન્ડ્રીથી બનાવ્યા હતા
સુરેશ રૈનાએ 2001માં પંજાબ કિંગ્સ સામે રમાયેલી મેચમાં વિસ્ફોટક ઇનિંગ રમી હતી, તેણે 25 બોલમાં 87 રન બનાવ્યા હતા. જેમાંથી 84 રન માત્ર બાઉન્ડ્રીથી જ આવ્યા હતા. રૈનાએ બાઉન્ડ્રીથી 96.55 રન બનાવ્યા હતા. તેનો આ રેકોર્ડ આજ સુધી કોઈ બેટ્સમેન તોડી શક્યો નથી. રૈનાએ 12 ચોગ્ગા-6 છગ્ગા ફટકાર્યા અને 348.00ના સ્ટ્રાઈક રેટથી રન બનાવ્યા હતા.
