- IPL 2024 પહેલા દિલ્હી કેપિટલ્સને લાગ્યો મોટો ઝટકો
- સાઉથ આફ્રિકાના લુંગી એનગિડી IPL 2024માંથી બહાર
- લુંગી એનગિડીના સ્થાને જેક ફ્રેઝર મેકગર્કને ટીમમાં સામેલ
ક્રિકેટની સૌથી રોમાંચક ટૂર્નામેન્ટ IPLની શરૂઆત પહેલા જ દિલ્હી કેપિટલ્સને એક પછી એક મોટા આંચકાઓનો સામનો કરવો પડી રહ્યો છે. પહેલા દિલ્હીના મોટા ખેલાડી હેરી બ્રુકે રમવાની ના પાડી. હવે દિલ્હીને વધુ એક ફટકો પડ્યો છે. દિલ્હી કેપિટલ્સનો અન્ય એક ખેલાડી ઈજાના કારણે આખી ટુર્નામેન્ટમાંથી બહાર થઈ ગયો છે. દિલ્હીએ પણ તાત્કાલિક ખેલાડીને બદલવાની જાહેરાત કરી છે.
આ વિસ્ફોટક ખેલાડીની એન્ટ્રી
IPL 2024 પહેલા રિષભ પંતની ટીમ દિલ્હી કેપિટલ્સ માટે આ કોઈ મોટા આંચકાથી ઓછું નથી. આનાથી માત્ર ફ્રેન્ચાઈઝીને જ નહીં પરંતુ દિલ્હીના કરોડો ચાહકોને પણ મોટો ફટકો પડ્યો છે. તમને જણાવી દઈએ કે દિલ્હી કેપિટલ્સ તરફથી રમતા દક્ષિણ આફ્રિકાના ફાસ્ટ બોલર લુંગી એનગિડી પણ સમગ્ર IPL ટૂર્નામેન્ટમાંથી બહાર થઈ ગયો છે. SA20 ટૂર્નામેન્ટ દરમિયાન ખેલાડીને ઈજા થઈ હતી. આ કારણોસર, લાંબા સમયથી ચર્ચા ચાલી રહી હતી કે તે IPL પહેલા સ્વસ્થ થઈ શકશે કે નહીં. હવે આ ખેલાડી વિશે અપડેટ આવ્યું છે કે તે IPLમાંથી બહાર છે. તેના સ્થાને દિલ્હીએ તોફાની બેટ્સમેન જેક ફ્રેઝર-મેકગર્કને રિપ્લેસમેન્ટ તરીકે ટીમમાં સામેલ કર્યો છે.
જેક ફ્રેઝરનો રેકોર્ડ
લુંગી એનગિડીની બાદબાકી બાદ દિલ્હી કેપિટલ્સે જેક ફ્રેઝર મેકગર્કને પોતાની ટીમમાં સામેલ કર્યો છે. મેકગર્ક તેની વિસ્ફોટક બેટિંગ શૈલી માટે જાણીતો છે. ખેલાડીના નામે એક ખાસ રેકોર્ડ છે, જેને જાણીને વિરોધી બોલરોના પરસેવો છૂટી જશે. ગયા વર્ષે ઑક્ટોબર મહિનામાં, સાઉથ આફ્રિકા સામે રમતી વખતે, ખેલાડીએ સ્થાનિક વનડે ક્રિકેટમાં માત્ર 29 બોલમાં સદી ફટકારી હતી. માત્ર 21 વર્ષનો મેકગર્ક આ શૈલીમાં બેટિંગ કરવા માટે જાણીતો છે. હવે ખેલાડીઓ દિલ્હી કેપિટલ્સનો હિસ્સો બની ગયો છે. આ સાથે જ ફ્રેન્ચાઈઝીની બેટિંગ લાઈનઅપ ઘણી મજબૂત બની ગઈ છે.
લુંગી એનગિડીના IPL આંકડા
સાઉથ આફ્રિકાના દિગ્ગજ લુંગી એનગિડીએ 2018માં IPLની શરૂઆત કરી હતી. આ ખેલાડીએ વર્ષ 2018માં ચેન્નાઈ સુપર કિંગ્સ માટે ડેબ્યૂ કર્યું હતું. બાદમાં ખેલાડી IPL 2021માં દિલ્હી કેપિટલ્સમાં જોડાયો. તેણે અત્યાર સુધીમાં કુલ 14 IPL મેચ રમી છે. આ દરમિયાન તેણે 25 વિકેટ ઝડપી છે. દિલ્હીએ 50 લાખ રૂપિયાની રકમ ચૂકવીને ખેલાડીને IPL 2024 માટે પોતાની ટીમમાં પણ સામેલ કર્યો હતો.
