સૂર્યકુમાર યાદવે ફેન્સની અપેક્ષાઓ પર પાણી ફેરવ્યું, સોશિયલ મીડિયા પર મિમ્સ વાયરલ

• મુંબઈ ઈન્ડિયન્સનો અને દિલ્હી કેપિટલ્સ વચ્ચે મેચ
  
• સૂર્યકુમાર યાદવ ખાતું ખોલાવ્યા વિના થયો આઉટ
• સૂર્યકુમાર યાદવની વાપસી ખૂબ જ ખરાબ રહી છે

IPL 2024માં મુંબઈ ઈન્ડિયન્સ તેમની ચોથી મેચ દિલ્હી કેપિટલ્સ સાથે રમી રહી છે. આ સિઝનમાં અત્યાર સુધી હાર્દિક પંડ્યાની ટીમ એક પણ જીત હાંસલ કરી શકી નથી. સતત ત્રણ મેચ હાર્યા બાદ મુંબઈ આ મેચમાં પોતાની પ્રથમ જીત મેળવવા ઈચ્છશે. ત્રણ મેચ બાદ મુંબઈ ઈન્ડિયન્સના સૌથી વિસ્ફોટક બેટ્સમેન સૂર્યકુમાર યાદવ વાપસી કરી હતી. વાસ્તવમાં સૂર્યકુમાર યાદવ ઈજાના કારણે ટીમની બહાર હતો.

સૂર્યકુમાર યાદવ નેશનલ ક્રિકેટ એકેડમીમાં રિહેબ પ્રક્રિયામાંથી પસાર થઈ રહ્યો હતો. થોડા દિવસ પહેલા જ NCAએ સૂર્યકુમાર યાદવને ફિટ જાહેર કર્યો હતો. જે બાદ સૂર્યા મુંબઈ ઈન્ડિયન્સના કેમ્પમાં જોડાઈ ગયો. આવી સ્થિતિમાં, ફેન્સને આ વિસ્ફોટક બેટ્સમેન પાસેથી ઘણી અપેક્ષાઓ હતી કે સૂર્યકુમાર આ મેચમાં ટીમ માટે શાનદાર વાપસી કરશે.

સૂર્યકુમારે ફેન્સને કર્યા નિરાશ

સૂર્યકુમાર યાદવ લાંબા સમય બાદ ક્રિકેટના મેદાનમાં વાપસી કરી હતી, પરંતુ આ મેચમાં પ્રવેશતાની સાથે જ સૂર્યકુમાર યાદવે ફેન્સની અપેક્ષાઓ પર પાણી ફેરવી દીધું. બેટ્સમેનની વાપસી ખૂબ જ ખરાબ રહી છે. આ મેચમાં સૂર્યકુમાર યાદવ માત્ર બે બોલ રમીને આઉટ થયો હતો. આ મેચમાં બેટ્સમેન પોતાનું ખાતું પણ ખોલી શક્યો ન હતો. જોકે, સૂર્યાના આ પ્રદર્શનથી ચાહકો બિલકુલ નિરાશ નથી.

સોશિયલ મીડિયા પર ફેન્સ સૂર્યકુમારને સતત સપોર્ટ કરી રહ્યા છે. એક પ્રશંસકે પોસ્ટ શેર કરીને લખ્યું કે કોઈ વાંધો નહીં, સૂર્યકુમાર યાદવ 4 મહિના પછી રમી રહ્યો છે. તે મજબૂત વાપસી કરશે. અન્ય એક પ્રશંસકે લખ્યું, સૂર્યા ભાઈ આરસીબી સામેની આગામી મેચમાં તમારી વાપસી માટે પ્રાર્થના કરી રહ્યો છે. 4 મહિનાની લાંબી ઈજા બાદ ફોર્મમાં પાછા આવવું મુશ્કેલ છે. આશા છે કે તમે મોટો સ્કોર કરશો અને મેચ જીતશો.