વિરાટ કોહલીએ ફટકારી ગગનચુંબી સિક્સ, જોતો રહી ગયો ધોની; જુઓ વીડિયો

• આજે RCB અને CSK વચ્ચે હાઈવોલ્ટેજ મુકાબલો
  
• ચેન્નાઈએ ટોસ જીતીને પ્રથમ બોલિંગ કરવાનો લીધો નિર્ણય
• દેશુપાંડેની ઓવરમાં કોહલીએ ગગનચુંબી સિક્સ ફટકારી

બેંગલુરુના ચિન્નાસ્વામી સ્ટેડિયમમાં રોયલ ચેલેન્જર્સ બેંગ્લોર અને ચેન્નાઈ સુપર કિંગ્સ વચ્ચેની મેગા મેચ શરૂ થઈ ગઈ છે. બગડતા હવામાન વચ્ચે RCBના સ્ટાર ખેલાડી વિરાટ કોહલીએ પણ રનનો વરસાદ શરૂ કર્યો હતો. કોહલીએ પ્રથમ ઓવરમાં ધીમી શરૂઆત કરી હતી, પરંતુ બીજી ઓવરથી તેણે ગિયર બદલીને ફોર અને સિક્સર ફટકારી હતી. આ દરમિયાન કોહલીએ એવી સિક્સર ફટકારી કે વિકેટ પાછળ ઉભેલા એમએસ ધોની પણ આશ્ચર્યચકિત થઈ ગયા.

વિરાટ કોહલીની શાનદાર સિક્સ

વિરાટે ત્રીજી ઓવરના પહેલા જ બોલ પર આ નો લૂક સિક્સર ફટકારી હતી. જ્યારે તુષાર દેશપાંડે વિકેટની ઉપર બોલ ફેંકવા આવ્યો ત્યારે પહેલેથી જ તૈયાર વિરાટે તેની જાણીતી શૈલીમાં બેટને સ્વિંગ કર્યું અને શોર્ટ લેન્થ ડિલિવરી પર ડીપ બેકવર્ડ સ્ક્વેર તરફ એવો જોરદાર સિક્સર ફટકારી કે બોલ સ્ટેડિયમની છત પર અથડાયો હતો. આ ગગનચુંબી સિકિસની લંબાઈ 98 મીટર હતી. કોહલીનો આ નો લૂક જોઈને કેપ્ટન ફાફ ડુ પ્લેસિસ અવાચક થઈ ગયો હતો. એમએસ ધોની પણ બોલને જોતો રહ્યો. કોહલીની પત્ની અનુષ્કા શર્માએ પણ ચાહકો સાથે ડાન્સ કર્યો હતો.

76 રનની જરૂર હતી

જો વિરાટ કોહલી આ મેચમાં 76 રન બનાવશે તો તે ઈતિહાસ રચશે. કોહલી IPLમાં 8 હજાર રન બનાવનાર પ્રથમ ખેલાડી બનશે. તેણે અત્યાર સુધીમાં 55 ફિફ્ટી અને 8 સદી ફટકારી છે. કોહલીના ચાહકો તેની પાસેથી આ જ સિદ્ધિની અપેક્ષા રાખી રહ્યા છે.