- રોહિત શર્મા મુંબઈ ઈન્ડિયન્સ કેમ્પમાં જોડાયા
- હાર્દિક પંડ્યા ફરી એકવાર સોશિયલ મીડિયા પર ટ્રોલ થવા લાગ્યો
- રોહિત શર્માની એન્ટ્રી હાર્દિક પંડ્યાની કરિયર કરતા મોટી છેઃફેન્સ
IPL 2024 ને શરૂ થવામાં ગણતરીના દિવસો બાકી છે. આ સમયે લગભગ તમામ ખેલાડીઓ હવે પોતપોતાની ટીમના કેમ્પમાં જોડાઈ ગયા છે. 18 માર્ચે રોહિત શર્મા મુંબઈ ઈન્ડિયન્સમાં જોડાયો અને વિરાટ કોહલી રોયલ ચેલેન્જર્સ બેંગ્લોરમાં જોડાયો. રોહિત શર્મા મુંબઈ ઈન્ડિયન્સ કેમ્પમાં જોડાયા બાદ હાર્દિક પંડ્યા ફરી એકવાર સોશિયલ મીડિયા પર ટ્રોલ થવા લાગ્યો છે. મુંબઈ ઈન્ડિયન્સમાં રોહિત શર્માની બોલ્ડ એન્ટ્રી બાદ સોશિયલ મીડિયા પર યુઝર્સ હાર્દિક પંડ્યાની મજા લેવા લાગ્યા.
રોહિતની એન્ટ્રી, હાર્દિકની મજાક
IPL 2024માં મુંબઈ ઈન્ડિયન્સનો કેપ્ટન રોહિત શર્મા નહીં પણ હાર્દિક પંડ્યા છે. જ્યારથી હાર્દિક પંડ્યા મુંબઈ ઈન્ડિયન્સનો કેપ્ટન બન્યો છે ત્યારથી સોશિયલ મીડિયા પર હાર્દિકની સતત કોઈને કોઈ રીતે મજાક ઉડાવવામાં આવી રહી છે. ચાહકો લાંબા સમયથી રોહિત શર્માની મુંબઈ ઈન્ડિયન્સ કેમ્પમાં સામેલ થવાની રાહ જોઈ રહ્યા હતા. ફેન્સની આશાઓનો હવે અંત આવ્યો છે. રોહિત શર્માએ મુંબઈ ઈન્ડિયન્સના કેમ્પમાં એન્ટ્રી કરતાની સાથે જ ચાહકોએ હાર્દિકને સોશિયલ મીડિયા પર ટ્રોલ કરવાનું શરૂ કરી દીધું હતું.
જાણો શું કહી રહ્યા છે ફેન્સ
રોહિત શર્માની એન્ટ્રીને લઈને એક યુઝરે લખ્યું કે રોહિત શર્માની એન્ટ્રી હાર્દિક પંડ્યાની કરિયર કરતા મોટી છે. અન્ય એક યુઝરે લખ્યું કે રોહિત શર્મા ફ્રેન્ચાઈઝી કરતા મોટો છે. તેણે તેમને શીખવ્યું કે ટૂર્નામેન્ટ કેવી રીતે જીતવી. ફ્રેન્ચાઇઝીએ સોશિયલ મીડિયા પર રોહિત શર્માના મુંબઇ ઇન્ડિયન્સ કેમ્પમાં જોડાવા અંગેનો એક ખાસ વીડિયો શેર કર્યો છે. જે ચાહકોને ખૂબ જ પસંદ આવી રહી છે.
વાસ્તવમાં, મુંબઈ ઈન્ડિયન્સનો કેપ્ટન બન્યા બાદ હાર્દિક પંડ્યાએ 18 માર્ચે પહેલીવાર પ્રેસ કોન્ફરન્સ કરી હતી. આ પત્રકાર પરિષદમાં હાર્દિક સાથે ટીમના મુખ્ય કોચ માર્ક બાઉચર પણ હાજર હતા. જ્યારે હાર્દિકને રોહિત શર્માની કેપ્ટનશીપ છીનવી લેવા અંગે પ્રશ્ન પૂછવામાં આવ્યો ત્યારે તેણે તેના પર મૌન સેવ્યું હતું. તમને જણાવી દઈએ કે, જ્યારથી રોહિત શર્માને હટાવીને હાર્દિક પંડ્યાને મુંબઈ ઈન્ડિયન્સનો નવો કેપ્ટન બનાવવામાં આવ્યો છે, ત્યારથી હાર્દિક દરરોજ ટ્રોલ થઈ રહ્યો છે. રોહિતને સુકાની પદ પરથી હટાવવાના નિર્ણયથી અત્યાર સુધી ચાહકો નાખુશ છે.
મુંબઈ ઈન્ડિયન્સનો પૂર્વ કેપ્ટન રોહિત શર્મા મુંબઈ કેમ્પમાં જોડાઈ ગયો છે. મુંબઈ ઈન્ડિયન્સે તેની સોશિયલ મીડિયા પર પોસ્ટ કરી છે. આ વખતે રોહિત શર્મા મુંબઈ તરફથી બેટ્સમેન તરીકે રમવા જઈ રહ્યો છે. જ્યારે હાર્દિક પંડ્યાને મુંબઈ ઈન્ડિયન્સની કેપ્ટનશિપની જવાબદારી સોંપવામાં આવી હતી. રોહિત કેમ્પમાં પહોંચ્યા બાદ હાર્દિક પંડ્યા અને રોહિત શર્મા વચ્ચેના સંબંધો કેવા રહેશે તે જોવું રહ્યું.
રોહિત 19 માર્ચથી પ્રેક્ટિસ શરૂ કરી શકે છે
મુંબઈ ઈન્ડિયન્સનો ભૂતપૂર્વ કેપ્ટન રોહિત શર્મા મુંબઈ ઈન્ડિયન્સ કેમ્પમાં જોડાઈ ગયો છે, પરંતુ તેણે હજુ પ્રેક્ટિસ શરૂ કરી નથી. એવું માનવામાં આવે છે કે રોહિત 19 માર્ચથી પ્રેક્ટિસ શરૂ કરી શકે છે. આ દરમિયાન રોહિત શર્મા પણ પહેલીવાર હાર્દિક પંડ્યાની સામે આવી શકે છે. હવે જોવાનું એ રહે છે કે મુંબઈનું મેનેજમેન્ટ આ તોફાનને શાંતિમાં બદલવામાં કેવી રીતે સફળ થાય છે.
રોહિત શર્માની કપ્તાનીમાં મુંબઈએ પાંચ ખિતાબ પોતાના નામે કર્યા
રોહિત શર્માએ 2013માં પ્રથમ વખત મુંબઈ ઈન્ડિયન્સની કપ્તાની સંભાળી હતી અને તે જ સિઝનમાં રોહિત શર્માએ મુંબઈ ઈન્ડિયન્સની શાનદાર કપ્તાની સાથે નેતૃત્વ કર્યું હતું અને તેમનું પ્રથમ ટાઇટલ જીત્યું હતું. આ પછી રોહિત શર્માએ મુંબઈ ઈન્ડિયન્સને IPLમાં પાંચ વખત ચેમ્પિયન બનાવ્યું હતું. રોહિત શર્માની કેપ્ટન્સીમાં મુંબઈ ઈન્ડિયન્સે છેલ્લે 2020માં ટાઈટલ જીત્યું હતું, ત્યાર બાદ આ ફ્રેન્ચાઈઝી એક પણ ટાઈટલ જીતવામાં સફળ રહી નથી. રોહિત શર્માને સુકાનીપદેથી હટાવવાનું આ પણ એક કારણ હોઈ શકે છે. વાસ્તવમાં, હાર્દિક પંડ્યા 2022માં પ્રથમ વખત ગુજરાતનો કેપ્ટન બન્યો હતો અને તેણે પ્રથમ સિઝનમાં જ ટાઈટલ જીત્યું હતું, ત્યારબાદ 2023માં તેની કેપ્ટનશિપમાં ગુજરાત ફાઈનલમાં પહોંચ્યું હતું.
