- સંજુ સેમસનનો આઉટ હવે ખૂબ જ ચર્ચાનો વિષય બની ગયો
- લોકોએ થર્ડ અમ્પાયરના નિર્ણય પર પણ ઘણા સવાલો ઉઠાવ્યા
- RRના ડિરેક્ટર કુમાર સંગાકરે આ મામલે પોતાનું મૌન તોડ્યું
રાજસ્થાન રોયલ્સના કેપ્ટન સંજુ સેમસન દિલ્હી કેપિટલ્સ સામે આઉટ હવે ખૂબ જ ચર્ચાનો વિષય બની ગયો છે. ભૂતપૂર્વ ક્રિકેટરો અને ચાહકો સોશિયલ મીડિયા પર સંજુના આઉટને લઈને પોતપોતાના મંતવ્યો રજૂ કરી રહ્યા છે. આ સિવાય ફેન્સ થર્ડ અમ્પાયરના નિર્ણય પર પણ ઘણા સવાલો ઉઠાવી રહ્યા છે. હવે રાજસ્થાન રોયલ્સ ટીમના ડિરેક્ટર કુમાર સંગાકરે આ મામલે પોતાનું મૌન તોડ્યું છે.
અમ્પાયરના નિર્ણય પર સંગાકારાએ શું કહ્યું?
રાજસ્થાન રોયલ્સનો દિલ્હી કેપિટલ્સ સામે સિઝનમાં ત્રીજો પરાજય થયો હતો. આ મેચ બાદ એક પ્રેસ કોન્ફરન્સમાં ટીમ ડાયરેક્ટર કુમાર સંગાકારાએ કહ્યું કે કેટલીકવાર રિપ્લે અને અલગ-અલગ એંગલ જોયા બાદ લાગે છે કે પગ બાઉન્ડ્રીને સ્પર્શી ગયો હતો. થર્ડ અમ્પાયર માટે પણ આ નિર્ણય લેવો ઘણો મુશ્કેલ હતો. રમત ખૂબ જ રોમાંચક તબક્કામાં હતી જો કે નિર્ણય અમારી તરફેણમાં ન ગયો પરંતુ અંતે અમારે થર્ડ અમ્પાયરના નિર્ણયને વળગી રહેવું પડશે. અલબત્ત આપણે તેના પર જુદા જુદા મંતવ્યો હોઈ શકે છે. દિલ્હીએ મેચમાં શાનદાર પ્રદર્શન કર્યું અને જીત મેળવી.
સંજુએ શાનદાર ઇનિંગ રમી
આ મેચમાં દિલ્હી કેપિટલ્સે રાજસ્થાન રોયલ્સ સામે જીત માટે 222 રનનો ટાર્ગેટ આપ્યો હતો. જ્યાં સુધી સંજુ સેમસન બેટિંગ કરતો હતો ત્યાં સુધી રાજસ્થાન મેચ આરામથી જીતી જશે તેવું લાગતું હતું. સંજુની વિકેટ પડ્યા બાદ રાજસ્થાનની જીતની આશા પણ ખતમ થઈ ગઈ હતી.
આ મેચમાં સંજુએ શાનદાર બેટિંગ કરી હતી અને 46 બોલમાં 86 રન બનાવ્યા હતા. પોતાની ઇનિંગ દરમિયાન સંજુએ 8 ફોર અને 6 સિક્સર ફટકારી હતી. હવે સંજુ સેમસને 11 મેચમાં 471 રન બનાવ્યા છે. આ સિઝનમાં સંજુ અત્યાર સુધીનો ત્રીજો સૌથી વધુ રન બનાવનાર બેટ્સમેન બની ગયો છે. સંજુએ અત્યાર સુધી પોતાના બેટથી 44 ચોગ્ગા અને 23 છગ્ગા ફટકાર્યા છે.
