- સનરાઈઝર્સ હૈદરાબાદ અને મુંબઈ ઈન્ડિયન્સ વચ્ચે મેચ
- રાજીવ ગાંધી ઈન્ટરનેશનલ સ્ટેડિયમમાં રમાશે મેચ
- સનરાઈઝર્સ હૈદરાબાદ સામે મુંબઈ ઈન્ડિયન્સનું પલડું ભારે
IPL 2024ની 8મી મેચમાં બુધવારે સનરાઈઝર્સ હૈદરાબાદ મુંબઈ ઈન્ડિયન્સ સામે ટકરાશે. આ મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં રમાશે. બંને ટીમોને પ્રથમ મેચમાં હારનો સામનો કરવો પડ્યો હતો. આવી સ્થિતિમાં પેટ કમિન્સ અને હાર્દિક પંડ્યા આ મેચમાં પોતાની પ્રથમ જીત નોંધાવવાનો પ્રયાસ કરશે. બંને ટીમો વચ્ચેના હેડ ટૂ હેડ આંકડા પર નજર કરીએ તો હૈદરાબાદ માટે મુંબઈને હરાવવું આસાન નહીં હોય.
મુંબઈ ઈન્ડિયન્સનો હાથ ઉપર
જો આપણે મુંબઈ ઈન્ડિયન્સ અને સનરાઈઝર્સ હૈદરાબાદ વચ્ચેના આંકડાઓ પર નજર કરીએ તો, MI સૌથી ઉપર છે. ઈન્ડિયન પ્રીમિયર લીગમાં બંને ટીમો વચ્ચે અત્યાર સુધીમાં 21 મેચ રમાઈ છે. આ દરમિયાન મુંબઈ ઈન્ડિયન્સે 12 મેચ જીતી છે. જ્યારે સનરાઇઝર્સ હૈદરાબાદે 9 મેચ જીતી છે. બંને ટીમો વચ્ચે રમાયેલી છેલ્લી 5 મેચોમાંથી મુંબઈ ઈન્ડિયન્સે 4માં જીત મેળવી છે. આવી સ્થિતિમાં હૈદરાબાદ હોમ ગ્રાઉન્ડ પર પોતાનું પ્રદર્શન સુધારવા માંગશે.
રાજીવ ગાંધી સ્ટેડિયમમાં બંને ટીમોનું પ્રદર્શન
રાજીવ ગાંધી ઇન્ટરનેશનલ સ્ટેડિયમમાં SRH અત્યાર સુધીમાં 51 મેચ રમી ચૂક્યું છે. આ સમયગાળા દરમિયાન, ટીમ 30 જીતી છે અને 20 હારી છે. 1 મેચ પણ ટાઈ રહી છે. હૈદરાબાદે આ મેદાન પર પહેલા બેટિંગ કરીને 13 મેચ જીતી છે અને 17 મેચ રન ચેઝ કરતા જીતી છે. મુંબઈ ઈન્ડિયન્સે રાજીવ ગાંધી ઈન્ટરનેશનલ સ્ટેડિયમમાં અત્યાર સુધીમાં 12 મેચ રમી છે. આ સમયગાળા દરમિયાન, MIએ 8 મેચ જીતી છે અને 4માં હારનો સામનો કરવો પડ્યો છે. MIએ હૈદરાબાદના મેદાન પર લક્ષ્યાંકનો પીછો કરતી વખતે પ્રથમ બેટિંગ કરતી વખતે 6 અને રનચેઝ કરતી વખતે 2 મેચ જીતી છે.
બંને ટીમોની સંભવિત પ્લેઈંગ-11
મુંબઈ ઈન્ડિયન્સ: રોહિત શર્મા, ઈશાન કિશન (wk), નમન ધીર, ડેવાલ્ડ બ્રેવિસ, તિલક વર્મા, હાર્દિક પંડ્યા (c),ટિમ ડેવિડ, ગેરાલ્ડ કોએત્ઝી, શમ્સ મુલાની, પીયૂષ ચાવલા, જસપ્રિત બુમરાહ.
ઈમ્પેક્ટ પ્લેયર્સ: ક્વેના મફાકા, મોહમ્મદ નબી
સનરાઇઝર્સ હૈદરાબાદ: મયંક અગ્રવાલ, અભિષેક શર્મા, રાહુલ ત્રિપાઠી, એડન માર્કરામ, હેનરિક ક્લાસેન (wk), અબ્દુલ સમદ, શાહબાઝ અહેમદ, માર્કો યાન્સન, પેટ કમિન્સ (c), ભુવનેશ્વર કુમાર, મયંક માર્કંડે.
ઈમ્પેક્ટ પ્લેયરઃ ટી નટરાજન
