- બંને ટીમ વચ્ચે અત્યાર સુધીમાં કુલ 24 મેચ રમાઈ છે
- શું હૈદરાબાદ આરસીબી સામે 300 રન કરશે?
- આજે RCB કેટલાક ખાસ રેકોર્ડ બનાવી શકે છે
સનરાઇઝર્સ હૈદરાબાદની ટીમ ગુરુવારે ઈન્ડિયન પ્રીમિયર લીગ મેચમાં રોયલ ચેલેન્જર્સ બેંગ્લોર સામે મેદાનમાં ઉતરશે. આ સમયે ટીમ ફરીથી આક્રમક બેટિંગ કરીને રન બનાવવા પર નજર રાખશે. આઈપીએલના આ તબક્કામાં ત્રણ વખત 250 રનનો આંકડો પાર કરનાર સનરાઈઝર્સ હૈદરાબાદ (SRH)એ તોફાની બેટિંગ બતાવી છે. આમાં મુંબઈ ઈન્ડિયન્સ તેનો પહેલો શિકાર બની અને પછી બેંગલુરુમાં 2016ની વિજેતા ટીમે RCB સામે ત્રણ વિકેટે 287 રન બનાવીને ટૂર્નામેન્ટનો સર્વોચ્ચ સ્કોર બનાવ્યો. જો આ પૂરતું ન હતું, તો SRH એ દિલ્હી કેપિટલ્સ સામે પાવરપ્લેમાં એકપણ વિકેટ ગુમાવ્યા વિના 125 રનનો રેકોર્ડ બનાવીને IPLમાં પ્રથમ વખત 300 રનનો આંકડો પાર કરવાની સંભાવના પણ ઊભી કરી હતી.
શું હૈદરાબાદ આરસીબી સામે 300 રન કરશે?
ગુરુવારે SRH કેટલાક રેકોર્ડ બનાવે તો નવાઈ નહીં અને તે પણ RCBની નબળી બોલિંગ સામે. હૈદરાબાદની જીતની શક્યતા ઘણી વધારે છે. આરસીબીના બોલિંગ વિભાગનો અંદાજ એ વાત પરથી લગાવી શકાય છે કે તેનો સર્વશ્રેષ્ઠ બોલર યશ દયાલ 7 વિકેટ સાથે યાદીમાં 24મા સ્થાને છે.
છેલ્લી 5 મેચમાં હૈદરાબાદનો દબદબો છે
જ્યારે પણ રોયલ ચેલેન્જર્સ બેંગ્લોર અને સનરાઈઝર્સ હૈદરાબાદ આમને-સામને આવી છે ત્યારે ખૂબ જ રોમાંચક મેચ જોવા મળી છે. બંને વચ્ચે અત્યાર સુધીમાં કુલ 24 મેચ રમાઈ છે, જેમાં હૈદરાબાદે 13 મેચ જીતી છે. જ્યારે બેંગલુરુ 10માં જીત્યું હતું. એક મેચ અનિર્ણિત રહી હતી. જો છેલ્લી 5 મેચોની વાત કરીએ તો હૈદરાબાદનો હાથ ઉપર રહ્યો છે. તેણે આ 5માંથી 3 મેચ જીતી છે. જ્યારે બેંગલુરુને 2માં સફળતા મળી છે. છેલ્લી 2023 સિઝનમાં બંને ટીમો વચ્ચે માત્ર એક જ મેચ રમાઈ હતી જેમાં RCB સફળ રહી હતી.
RCB Vs SRH નું હેડ ટુ હેડ
- કુલ મેચ: 24
- હૈદરાબાદ જીત્યું: 13
- બેંગલુરુ જીત્યું: 10
- અનિર્ણિત: 1
મેચમાં બંને ટીમોની પ્લેઈંગ 11 હશે આવી
સનરાઇઝર્સ હૈદરાબાદની સંભવિત પ્લેઈંગ-11
ટ્રેવિસ હેડ, અભિષેક શર્મા, એઇડન માર્કરામ, હેનરિક ક્લાસેન, નીતિશ કુમાર રેડ્ડી, શાહબાઝ અહમાઝ, અબ્દુલ સમદ, પેટ કમિન્સ (કેપ્ટન), ભુવનેશ્વર કુમાર, મયંક માર્કંડે, ટી નટરાજન.
RCBની સંભવિત પ્લેઇંગ-11
વિરાટ કોહલી, ફાફ ડુપ્લેસીસ (કેપ્ટન), વિલ જેક્સ, રજત પાટીદાર, કેમેરોન ગ્રીન, મહિપાલ લોમરોર, દિનેશ કાર્તિક, કર્ણ શર્મા, મોહમ્મદ સિરાજ, લોકી ફર્ગ્યુસન, યશ દયા.
