SRH vs LSG: 6 6 6 6 6...ટ્રેવિસ હેડના તોફાનમાં ઉડી લખનૌ

• સનરાઈઝર્સ હૈદરાબાદ અને લખનૌ સુપર જાયન્ટસ વચ્ચે મેચ
  
• લખનૌએ પ્રથમ બેટિંગ કરતા 20 ઓવરમાં 165 રન બનાવ્યા
• ટ્રેવિસ હેડે માત્ર 16 બોલમાં ફટાકારી ફિફ્ટી

IPL 2024ની 57મી મેચ સનરાઈઝર્સ હૈદરાબાદ અને લખનૌ સુપર જાયન્ટસ વચ્ચે રમાઈ રહી છે. આ મેચમાં લખનૌએ ટોસ જીતીને બેટિંગ કરવાનો નિર્ણય લીધો હતો. કેએલ રાહુલનો આ નિર્ણય ખોટો સાબિત થઈ રહ્યો હોય એવું લાગી રહ્યું છે. કારણ કે લખનૌએ પ્રથમ બેટિંગ કરતા 20 ઓવરમાં 4 વિકેટના નુકસાને 165 રન જ બનાવી શકી હતી.

હેડની તોફાની ફિફ્ટી

જવાબમાં લક્ષ્યોનો પીછો કરવા ઉતરેલી સનરાઈઝર્સ હૈદરાબાદ તરફથી અભિષેક શર્મા અને ટ્રેવિડ હેડે તોફાની શરૂઆત કરી હતી. હૈદરાબાદના રાજીવ ગાંધી સ્ટેડિયમમાં રમાઈ રહેલી મેચમાં ટ્રેવિસ હેડે માત્ર 16 બોલમાં 4 ફોર અને 5 સિકસની મદદથી ફિફ્ટી પૂરી કરી હતી. તેણે આ ફિફ્ટી સાથે અભિષેક શર્માના જ રેકોર્ડની બરાબરી કરી લીધી છે. હેડે SRH માટે ત્રીજી વખત સૌથી ઝડપી ફિફ્ટી ફટાકારી છે. ખાસ વાત એ છે કે હેડે એક રન પણ દોડ્યા વગર પોતાની ફિફ્ટી પૂરી કરી હતી.

SRH માટે IPLમાં સૌથી ઝડપી ફિફ્ટી

• 16 બોલમાં અભિષેક શર્મા vs MI, હૈદરાબાદ 2024
• 16 બોલ ટ્રેવિસ હેડ vs DC, દિલ્હી 2024
• 16 બોલમાં ટ્રેવિસ હેડ vs LSG, હૈદરાબાદ 2024
• 18 બોલમાં ટ્રેવિસ હેડ vs MI, હૈદરાબાદ 2024

મેચની સ્થિતિ

સમાચાર લખાય છે ત્યા સુધી 6 ઓવરમાં હૈદરાબાદનો સ્કોર કોઈ પણ વિકેટ વિના 107 રન સુધી પહોંચી ગયો છે. ટ્રેવિસ હેડ 18 બોલમાં 58 રન બનાવીને રમતમાં છે. અત્યાર સુધીમાં તેણે 7 ચોગ્ગા અને 5 છગ્ગા ફટકાર્યા છે. જ્યારે અભિષેક શર્મા 18 બોલમાં 46 રન બનાવીને રમતમાં છે. તેના બેટમાંથી અત્યાર સુધીમાં 6 ચોગ્ગા અને 3 છગ્ગા આવી ચૂક્યા છે.