- IPL 2024 માટે તમામ ટીમો જોરશોરથી તૈયારી કરી રહી છે
- ચહલ હવે રાજસ્થાન રોયલ્સ માટે નવી ઓપનિંગ કરતો જોવા મળશે
- રાજસ્થાન રોયલ્સે સોશિયલ મીડિયા પર એક વીડિયો શેર કર્યો
IPL 2024 માટે તમામ ટીમો જોરશોરથી તૈયારી કરી રહી છે. રાજસ્થાન રોયલ્સના ખેલાડીઓ પણ ટીમના કેમ્પમાં જોડાયા છે અને પ્રેક્ટિસ શરૂ કરી દીધી છે. ટીમનો સ્પિન બોલર યુઝવેન્દ્ર ચહલ પણ આ કેમ્પમાં જોડાયો છે. યુઝવેન્દ્ર ચહલ હવે રાજસ્થાન રોયલ્સ માટે નવી ઓપનિંગ કરતો જોવા મળશે. જેને લઈને રાજસ્થાન રોયલ્સે સોશિયલ મીડિયા પર એક ફની વીડિયો શેર કર્યો છે. જે ખૂબ જ ઝડપથી વાયરલ થઈ રહ્યો છે. ચાહક આ વીડિયો પર ચહલ વિશે પોતપોતાની પ્રતિક્રિયા આપી રહ્યા છે.
‘રાજસ્થાનને નવો ઓપનર મળ્યો’
રાજસ્થાન રોયલ્સ 24 માર્ચથી IPL 2024માં તેમના અભિયાનની શરૂઆત કરશે. રાજસ્થાનની પ્રથમ મેચ લખનૌ સુપર જાયન્ટ્સ સાથે થશે. આ પહેલા હવે તમામ ખેલાડીઓ ટીમ કેમ્પમાં જોડાવા લાગ્યા છે. રાજસ્થાન ફ્રેન્ચાઇઝીએ તેના સોશિયલ મીડિયા એકાઉન્ટ પર યુઝવેન્દ્ર ચહલનો એક વીડિયો શેર કર્યો છે.
જેમાં ચહલ બેટિંગ માટે તૈયાર જોવા મળી રહ્યો છે. આમાં ચહલ નવા ઓપનર તરીકે જોસ બટલર વિશે કહી રહ્યો છે...જોસ ભાઈએ 863 રન બનાવ્યા હતા, આ વખતે હું 1000 રન બનાવીશ. ચાહલનો આ વીડિયો ચાહકોને ખૂબ જ પસંદ આવી રહ્યો છે. વીડિયોમાં ચહલ પણ નેટમાં બેટિંગ કરતો જોવા મળી રહ્યો છે.
ચાહકોએ કર્યા વખાણ
ચાહકો હવે આ વીડિયો પર ખૂબ જ રસપ્રદ કોમેન્ટ્સ કરી રહ્યા છે. એક ચાહકે કોમેન્ટ કરીને લખ્યું, ભાઈ યુજીભાઈની સ્ટ્રેટ ડ્રાઈવ કિલર છે. અન્ય એક ચાહકે લખ્યું કે ચહલ આ વખતે પર્પલ કેપ અથવા ઓરેન્જ કેપ જીતશે. IPL 2023માં રાજસ્થાન રોયલ્સ માટે ચહલે શાનદાર બોલિંગ કરી હતી. આ સિઝનમાં ચહલે બોલિંગ દરમિયાન 21 વિકેટ પોતાના નામે કરી હતી. આ વખતે પણ ચહલ ટીમ માટે શાનદાર પ્રદર્શન કરવા ઈચ્છશે.
