IPL 2025 ની 46મી લીગ મેચમાં, દિલ્હી કેપિટલ્સ અને રોયલ ચેલેન્જર્સ બેંગ્લુરુ ટીમ વચ્ચે મુકાબલો જોવા મળ્યો જેમાં વિરાટ કોહલી અને કૃણાલ પંડ્યાની શાનદાર અડધી સદીની ઈનિંગ્સના આધારે આરસીબીએ 6 વિકેટથી મેચ જીતી લીધી.


ઓપનર તરીકે મેદાનમાં ઉતરેલા કોહલીએ એક છેડેથી ઈનિંગ્સને પકડી રાખી હતી, પરંતુ ટીમને વિજય તરફ લઈ જતા પહેલા, તે 51 રનની શાનદાર ઈનિંગ્સ રમીને આઉટ થયો હતો. આ મેચમાં, વિરાટ કોહલી અને કેએલ રાહુલ વચ્ચે ઉગ્ર દલીલ જોવા મળી હતી, જ્યારે કોહલી વિકેટ પાછળ ઉભેલા કેએલ રાહુલ પર કોઈ વાતને લઈને ગુસ્સે થયો હતો.

કુલદીપ યાદવની ઓવરમાં બની હતી આ ઘટના

Also Read

આ મેચમાં RCB ને 163 રનનો ટાર્ગેટ મળ્યો હતો અને તેનો પીછો કરતી વખતે, તેઓએ 26 રનના સ્કોર પર ત્રણ વિકેટ ગુમાવી દીધી હતી. આ પછી, કોહલીને કૃણાલ પંડ્યાનો સપોર્ટ મળ્યો અને બંને વચ્ચે ચોથી વિકેટ માટે મેચ વિજેતા પાર્ટનરશિપ જોવા મળી.


RCBની ઈનિંગ દરમિયાન, જ્યારે કુલદીપ યાદવ દિલ્હી કેપિટલ્સ માટે 8મી ઓવર નાખવા આવ્યો, ત્યારે કોહલી સ્ટ્રાઈક પર હતો અને તેને કહ્યું કે કેએલ રાહુલ પર તે ખૂબ ગુસ્સે થયો અને વિકેટ પાછળ દલીલ કરતો જોવા મળ્યો. રાહુલ પણ હાથ વડે કંઈક ઈશારો કરી રહ્યો હતો. આ મેચમાં કોહલીના બેટમાંથી 47 બોલમાં 51 રનની શાનદાર ઈનિંગ જોવા મળી.

દિલ્હી કેપિટલ્સ સામે સૌથી વધુ 50+ રન બનાવનાર ખેલાડી બન્યો વિરાટ કોહલી

IPLમાં કોઈ ટીમ સામે સૌથી વધુ 50+ રનની ઈનિંગ્સ રમવાની બાબતમાં, વિરાટ કોહલી હવે દિલ્હી કેપિટલ્સ સામે આ બાબતમાં ટોપ પર આવી ગયો છે. કોહલીએ અત્યાર સુધીમાં IPLમાં દિલ્હી સામે બેટિંગ કરતી વખતે 11 વખત 50+ રન બનાવ્યા છે. ડેવિડ વોર્નરનું નામ આ લિસ્ટમાં ટોપ પર છે, જેણે પંજાબ કિંગ્સ ટીમ સામે 13 વખત પચાસથી વધુ રનની ઈનિંગ્સ રમી છે.


  • Follow us on: