GT Vs DC: ગુજરાતે દિલ્હીને હરાવ્યું, જોશ બટલરની ધમાકેદાર ઈનિંગ

ગુજરાત ટાઈટન્સે દિલ્હી કેપિટલ્સ સામે 7 વિકેટે વિજય મેળવ્યો છે. અમદાવાદના નરેન્દ્ર મોદી સ્ટેડિયમમાં રમાયેલી આ મેચમાં દિલ્હીએ પ્રથમ બેટિંગ કરતા 203 રન બનાવ્યા હતા. તેના જવાબમાં, ગુજરાતે 20મી ઓવરમાં 7 વિકેટ બાકી રહેતા મેચ જીતી લીધી. આ પહેલી વાર છે જ્યારે દિલ્હી IPL મેચમાં 200થી વધુ રન બનાવ્યા પછી પણ લક્ષ્યનો બચાવ કરી શક્યું નથી.

સાઈ સુદર્શને જીતી ઓરેન્જ કેપ

ગુજરાત ટાઈટન્સને તેમના હોમ ગ્રાઉન્ડ પર 204 રનનો વિશાળ લક્ષ્યાંક મળ્યો. જવાબમાં ગુજરાતની શરૂઆત સારી રહી ન હતી કારણ કે કેપ્ટન શુભમન ગિલ માત્ર 5 રન બનાવીને આઉટ થયો હતો. આ મેચમાં સાઈ સુદર્શને 36 રનની ઈનિંગ રમીને ઓરેન્જ કેપ પણ જીતી લીધી છે. સુદર્શનના આઉટ થતાં જ ગુજરાતે 74 રનના સ્કોર પર પોતાની બીજી વિકેટ ગુમાવી દીધી. ગુજરાતને જીત માટે હજુ 130 રનની જરૂર હતી.

ગુજરાતે રચ્યો ઈતિહાસ

IPLના ઈતિહાસમાં, જ્યારે પણ દિલ્હી કેપિટલ્સે પ્રથમ બેટિંગ કરીને 200 કે તેથી વધુ રન બનાવ્યા છે, ત્યારે તેઓએ દરેક પ્રસંગે લક્ષ્યનો બચાવ કર્યો છે. ગુજરાત સામેની આજની મેચ પહેલા દિલ્હીએ 13 વખત આવું કર્યું હતું. પરંતુ ગુજરાત ટાઈટન્સ ઈન્ડિયન પ્રીમિયર લીગની પહેલી ટીમ બની ગઈ છે, જેને IPLમાં દિલ્હી સામે 200થી વધુ રનનો લક્ષ્યાંક સફળતાપૂર્વક પ્રાપ્ત કર્યો છે.

જોસ બટલરની ધમાકેદાર ઈનિંગ

ગુજરાત ટાઈટન્સે 74 રનના સ્કોર પર 2 વિકેટ ગુમાવી દીધી. ત્યારબાદ જોસ બટલર અને શેરફન રધરફર્ડે એવી રીતે જવાબદારી સંભાળી કે તેઓ ગુજરાતને વિજયની નજીક લઈ ગયા. લક્ષ્ય પ્રાપ્ત થાય તે પહેલાં શેરફન રધરફર્ડે 43 રન બનાવીને આઉટ થયો, પરંતુ રાહુલ તેવતિયાના છગ્ગાએ ગુજરાતની જીતમાં મહત્ત્વપૂર્ણ ભાગ ભજવ્યો.

ગુજરાતને છેલ્લી ઓવરમાં જીત માટે 10 રનની જરૂર હતી અને મિચેલ સ્ટાર્ક બોલિંગ કરી રહ્યો હતો. સ્ટાર્ક, જેને છેલ્લી મેચમાં રાજસ્થાન રોયલ્સ સામે સુપર ઓવરમાં દિલ્હીને જીત અપાવી હતી. રાહુલ તેવતિયાએ છેલ્લી ઓવરના પહેલા બોલ પર છગ્ગો ફટકાર્યો અને બીજા બોલ પર ચોગ્ગો મારીને ગુજરાતની જીત સુનિશ્ચિત કરી. જોસ બટલર 97 રન બનાવીને અણનમ પાછો ફર્યો.

નરેન્દ્ર મોદી સ્ટેડિયમમાં મેળવેલ બીજો સૌથી મોટો સફળ રન ચેઝ

આ IPLના ઈતિહાસમાં નરેન્દ્ર મોદી સ્ટેડિયમમાં મેળવેલ બીજો સૌથી મોટો સફળ રન ચેઝ છે. આ મેદાન પર સૌથી મોટા લક્ષ્યનો સફળતાપૂર્વક પીછો કરવાનો રેકોર્ડ KKR ના નામે છે, તેને 2023 માં ગુજરાત સામે 206 રનના લક્ષ્યનો પીછો કર્યો હતો. હવે ગુજરાત આ લિસ્ટમાં બીજા સ્થાને આવી ગયું છે. આરસીબીએ નરેન્દ્ર મોદી સ્ટેડિયમમાં 200 થી વધુના લક્ષ્યનો પીછો પણ કર્યો છે.