કોણ બનશે દિલ્હી કેપિટલ્સનો કેપ્ટન? રિષભ પંતને લઈને સૌરવ ગાંગુલીનું મોટું નિવેદન

• IPL 2025ની શરૂઆત પહેલા રિષભ પંતને લઈને મોટા સમાચાર
  
• રિષભ પંત દિલ્હી કેપિટલ્સ માટે રમવાનું ચાલુ રાખશે
• સૌરવ ગાંગુલીએ એક ઈન્ટરવ્યુમાં કર્યો ખુલાસો

IPL 2025ની શરૂઆત પહેલા, વિકેટકીપર બેટ્સમેન રિષભ પંત વિશે ઘણા અહેવાલો આવી રહ્યા હતા કે પંત આગામી IPL સિઝન પહેલા દિલ્હી કેપિટલ્સ છોડી શકે છે અને તે વર્ષ 2025 માં ચેન્નાઈ સુપર કિંગ્સ માટે રમતા જોવા મળી શકે છે. પરંતુ હવે દિલ્હી કેપિટલ્સના ડિરેક્ટર ઓફ ક્રિકેટ સૌરવ ગાંગુલીએ આ અહેવાલોને ઘણી હદ સુધી સમાપ્ત કરી દીધા છે.

'પંત દિલ્હી માટે રમવાનું ચાલુ રાખશે'

લગભગ 14 મહિના ક્રિકેટથી દૂર રહ્યા બાદ રિષભ પંતે IPL 2024માં વાપસી કરી હતી. ચાહકોએ પંતને ફરી એકવાર દિલ્હી કેપિટલ્સની કેપ્ટનશીપ કરતા જોયો. પંત માટે આ સિઝન સારી રહી હતી. હવે IPL 2025 મેગા ઓક્શન પહેલા એવા અહેવાલો આવ્યા હતા કે પંત નવી સિઝનથી દિલ્હી કેપિટલ્સને અલવિદા કહી શકે છે.

એક અહેવાલ અનુસાર, સૌરવ ગાંગુલીએ એક ઈન્ટરવ્યુમાં કહ્યું કે રિષભ પંત દિલ્હી કેપિટલ્સ માટે રમવાનું ચાલુ રાખશે. વર્ષ 2021માં રિષભ પંતને દિલ્હી કેપિટલ્સનો કેપ્ટન બનાવવામાં આવ્યો હતો. જોકે, પંત IPLની પાછલી સિઝનમાં ટીમને આગળ લઈ જવામાં નિષ્ફળ રહ્યો હતો.

IPL 2024માં દિલ્હીનું પ્રદર્શન રહ્યું હતું

કેપિટલ્સ IPL 2024માં તેમની 14 મેચોમાંથી માત્ર સાત જ જીતવામાં સફળ રહી, જેમાં રિષભ પંતની આગેવાની હેઠળની ટીમ ટુર્નામેન્ટના લીગ તબક્કામાંથી બહાર થઈ ગઈ હતી. હવે આગામી IPL સિઝનમાં ટીમ તેના પ્રદર્શનમાં વધુ સુધારો કરવા ઈચ્છે છે.