IPL: કોહલીને મળવા જનાર યુવાનની થઇ ધોલાઇ? જાણો વાયરલ વીડિયોની સચ્ચાઇ

• ક્રિકેટના મેદાનમાં ચાહક ખેલાડીઓને મળવા જાય તે નવું નથી
  
• બેંગલોરની મેચમાં એક ફેન વિરાટ કોહલી પાસે પહોંચ્યો હતો
• મેદાનની બહાર સુરક્ષાકર્મીઓએ ફેનને ખૂબ માર માર્યો

ક્રિકેટના મેદાનમાં ચાહક તેમના મનપસંદ ખેલાડીઓને મળવા જાય તે નવું નથી. IPLમાં પણ આવું જ થઈ રહ્યું છે. RCB અને પંજાબ કિંગ્સ વચ્ચેની મેચ દરમિયાન એક ફેન વિરાટ કોહલી પાસે પહોંચ્યો અને તેને ગળે લગાવ્યો.

સિક્યોરીટીએ ફેનની પીટાઇ

આ પછી સુરક્ષાકર્મીઓ મેદાનમાં આવ્યા અને આ ફેનને પકડીને લઈ ગયા. ત્યાં સુધી બધુ બરાબર હતું પરંતુ આનાથી આગળની કહાનીનો એક વીડિયો સોશિયલ મીડિયા પર વાયરલ થઈ રહ્યો છે. એવો દાવો કરવામાં આવી રહ્યો છે કે મેદાનની બહાર લઈ જવામાં આવતા જ સુરક્ષાકર્મીઓએ ફેનને ખૂબ માર માર્યો હતો.

સોશિયલ મીડિયા પર વીડિયો વાયરલ

પ્રશંસકની મારપીટનો એક વીડિયો પણ સામે આવ્યો છે, જેમાં તે જ વ્યક્તિ કોહલીની નજીક જઈને તેને ગળે લગાવતો જોવા મળે છે. બાદમાં તેની સાથે મારપીટ થઇ હતી. અમે આ વીડિયોની પુષ્ટિ કરતા નથી, પરંતુ તે સોશિયલ મીડિયા પર વાયરલ થયો છે. ચાહકની સાથે લોકોની સહાનુભૂતિ પણ જોવા મળી રહી છે.

લોકોએ જતાવી સહાનુભુતી

લોકો કહે છે કે એક પ્રશંસકે હમણાં જ તેના ફેવરિટ પ્લેયરને મળવાની કોશિશ કરી હતી, તેને આ રીતે મારવો ખૂબ જ ખોટું છે. ઘણા ફેન્સ એવા હતા જેમણે કોહલીને આ વીડિયો હેઠળ ટેગ કર્યો હતો. આ વીડિયો પહેલા માળેથી એક પ્રશંસક દ્વારા બનાવવામાં આવ્યો હતો, જેમાં બાઉન્સર પ્રશંસકને જોરથી મારતા જોવા મળે છે.

મેચ અટકી

જ્યારે ચાહક કોહલીની નજીક ગયા તો મેચ પણ થોડા સમય માટે બંધ થઈ ગઈ. સુરક્ષાકર્મીઓ દોડીને આ ફેનને પકડીને મેદાનની બહાર લઈ ગયા હતા. ત્યારપછીની ઘટના પ્રસારણ દરમિયાન કેમેરામાં કેદ થઈ ન હતી, પરંતુ ચાહકોએ તેનો વીડિયો બનાવ્યો અને તેને ઈન્સ્ટાગ્રામ અને અન્ય સોશિયલ મીડિયા પ્લેટફોર્મ પર પોસ્ટ કર્યું.

કોહલીએ આરસીબી માટે 77 રનની શાનદાર ઇનિંગ રમી હતી. આ પછી પંજાબ કિંગ્સને હારનો સામનો કરવો પડ્યો હતો. આરસીબીએ આ સિઝનમાં બીજી જીત નોંધાવી છે. વિરાટ કોહલીએ બેંગલુરુમાં ઘરના ચાહકને બિલકુલ નિરાશ કર્યા નથી.