- ઈંગ્લેન્ડનો બોલર જેમ્સ એન્ડરસન નિવૃત્તિની જાહેરાત કરી શકે
- એન્ડરસન સૌથી વધુ ટેસ્ટ રમનાર વિશ્વનો બીજો ખેલાડી છે
- એન્ડરસને 187 મેચની 348 ઇનિંગ્સમાં 700 વિકેટ ઝડપી છે
ઈંગ્લેન્ડનો સ્ટાર બોલર જેમ્સ એન્ડરસન આ વર્ષે નિવૃત્તિની જાહેરાત કરી શકે છે. એક અહેવાલમાં આ દાવો કરવામાં આવ્યો છે. રિપોર્ટ અનુસાર એન્ડરસને આ અંગે ઈંગ્લેન્ડના ટેસ્ટ કોચ બ્રેન્ડન મેક્કુલમ સાથે વાત કરી છે. એન્ડરસનને રૂબરૂ મળવા માટે મેક્કુલમ ન્યુઝીલેન્ડથી યુકે ગયો હતો. ઇંગ્લિશ ક્રિકેટ મેનેજમેન્ટ તેના ભવિષ્ય પર વિચાર કરી રહ્યું છે.
સૌથી વધુ વિકેટ લેનાર ત્રીજો બોલર
એન્ડરસને પોતાની કારકિર્દીમાં ઘણા મોટા રેકોર્ડ બનાવ્યા છે. તેઓ આ વર્ષની શરૂઆતમાં ભારતના પ્રવાસે આવ્યો હતો. જ્યાં તેણે છેલ્લી મેચમાં 700 ટેસ્ટ વિકેટ લેવાનો રેકોર્ડ બનાવ્યો હતો. તે ટેસ્ટ ક્રિકેટમાં સૌથી વધુ વિકેટ લેનારો વિશ્વનો ત્રીજો બોલર છે. તે જુલાઈમાં 42 વર્ષનો થશે. ત્યારે ઈંગ્લેન્ડની ટીમ વેસ્ટ ઈન્ડિઝ સામે ત્રણ મેચની સિરીઝ રમશે. તે શ્રીલંકા સામેની ત્રણ મેચની સિરીઝ બાદ નિવૃત્તિની જાહેરાત કરી શકે છે. શ્રીલંકા સિરીઝની શરૂઆત અમીરાત ઓલ્ડ ટ્રેફોર્ડ ખાતે થશે. આ એન્ડરસનનું હોમ ગ્રાઉન્ડ છે.
ભારત સામે માર્ચમાં છેલ્લી ટેસ્ટ રમાઈ હતી
જેમ્સ એન્ડરસને તેની છેલ્લી ટેસ્ટ આ વર્ષે માર્ચમાં ભારત સામે રમી હતી. જ્યારે છેલ્લી ODI માર્ચ 2015માં અને T20 ઈન્ટરનેશનલ નવેમ્બર 2009માં રમાઈ હતી. એન્ડરસને 187 મેચની 348 ઇનિંગ્સમાં 700 વિકેટ ઝડપી છે. તેણે ODIમાં 194 મેચમાં 269 અને 19 T20 મેચમાં 18 વિકેટ ઝડપી છે. એન્ડરસને ટેસ્ટ ક્રિકેટમાં 2003માં ડેબ્યૂ કર્યું હતું. તેના નામે 187 કેપ્સનો રેકોર્ડ છે.
સૌથી વધુ ટેસ્ટ રમનાર બીજો ખેલાડી
એન્ડરસન સૌથી વધુ ટેસ્ટ રમનાર વિશ્વનો બીજો ખેલાડી છે. સચિન તેંડુલકર તેનાથી આગળ છે. એન્ડરસનની નિવૃત્તિ અંગે ગયા વર્ષે પણ ઘણી ચર્ચા થઈ હતી. પછી તેણે કહ્યું કે તે ઉનાળામાં ઈંગ્લેન્ડની ટીમમાં પોતાનું સ્થાન બનાવવા માંગે છે. ઈંગ્લેન્ડની ટીમ 2025માં ભારત સામે ઘરઆંગણે સિરીઝ રમશે. આ પછી ટીમ ન્યૂઝીલેન્ડ અને પાકિસ્તાનમાં ટેસ્ટ સિરીઝ રમશે. આ પછી ઓસ્ટ્રેલિયામાં એશિઝનું આયોજન કરવામાં આવશે.
