- IPLમાં વિશ્વભરના સ્ટાર ખેલાડીઓ ભાગ લે છે
- ભારતમાં આ ટૂર્નામેન્ટ આખરી તબક્કામાં રમાઇ રહી છે
- વર્લ્ડકપ પહેલા ઘણા દેશોના ખેલાડીઓ સ્વદેશ પરત ફરશે
હાલમાં ભારતમાં IPLનું આયોજન થઈ રહ્યું છે. જેના કારણે હાલમાં આ લીગમાં વિશ્વભરના સ્ટાર ટી20 ખેલાડીઓ ભાગ લઈ રહ્યા છે. આ જ કારણ છે કે હાલમાં કોઈ મોટો દેશ કોઈ આંતરરાષ્ટ્રીય સિરીઝ કે ટૂર્નામેન્ટ રમી રહ્યો નથી. વેસ્ટ ઈન્ડિઝે દક્ષિણ આફ્રિકા સામેની ત્રણ મેચની ટી-20 સિરીઝ માટે શેડ્યૂલ જાહેર કરી દીધું છે. આ સિરીઝ IPL દરમિયાન આયોજિત કરવામાં આવશે. આ સિરીઝ આગામી વર્લ્ડકપ માટેની તેમની તૈયારીનો એક ભાગ હશે. જમૈકાના સબીના પાર્ક ત્રણેય મેચોની યજમાની કરશે.
વેસ્ટ ઈન્ડિઝ અને સાઉથ આફ્રિકાના ખેલાડીઓ પરત ફરશે
વેસ્ટ ઈન્ડિઝ અને સાઉથ આફ્રિકા વચ્ચેની સીરિઝ IPL 2024ના પ્લેઓફ સાથે સીધી ટકરાશે અને આ લીગને આખરે અસર કરી શકે છે. ઘણા ICC મેન્સ T20 વર્લ્ડકપમાં ભાગ લઈ રહેલા વેસ્ટ ઈન્ડિઝ અને દક્ષિણ આફ્રિકાના ખેલાડીઓ હાલમાં ઈન્ડિયન પ્રીમિયર લીગ (IPL)માં રમી રહ્યા છે. તેથી, જો IPL ટીમો આ સિરીઝમાં ભાગ લેવાનું પસંદ કરે તો પ્લેઓફ દરમિયાન ભારે નુકસાનનો સામનો કરવો પડી શકે છે. વાસ્તવમાં, ઘણા સ્ટાર ખેલાડીઓ જેના કારણે IPL ટીમ આ સિઝનમાં સારો દેખાવ કરી રહી છે તે પ્લેઓફના સમયે ટીમનો ભાગ નહીં હોય.
સિરીઝ ક્યારે રમાશે
પ્રથમ T20I 23 મેના રોજ રમાશે, ત્યારબાદ બીજી મેચ 25 મેના રોજ અને સિરીઝની અંતિમ મેચ 26 મેના રોજ રમાશે. જો કે બંને ટીમોએ હજુ સુધી સિરીઝ માટે પોતપોતાની ટીમની જાહેરાત કરી નથી, પરંતુ IPLમાં રમી રહેલા ઘણા ખેલાડીઓ આ સિરીઝ માટે ટીમનો ભાગ બની શકે છે. IPL 2024 ક્વોલિફાયર (1) 21 મેના રોજ અમદાવાદના નરેન્દ્ર મોદી સ્ટેડિયમમાં રમાશે, ત્યારબાદ બીજા દિવસે એલિમિનેટર રમાશે. ક્વોલિફાયર 2 24 મેના રોજ ચેન્નાઈના એમએ ચિદમ્બરમ સ્ટેડિયમમાં યોજાશે અને સિઝનનો અંતિમ મુકાબલો 26 મેના રોજ એ જ સ્થળે રમાશે.
T20 વર્લ્ડકપમાં ભાગ લેનાર વેસ્ટ ઈન્ડિઝના ખેલાડીઓ અને તેમની IPL ટીમો:
રોવમેન પોવેલ (રાજસ્થાન રોયલ્સ), શિમરોન હેટમીયર (રાજસ્થાન રોયલ્સ), અલઝારી જોસેફ (RCB), શાઈ હોપ (દિલ્હી કેપિટલ્સ), શમર જોસેફ (લખનૌ સુપર જાયન્ટ્સ), નિકોલસ પૂરન (લખનૌ સુપર જાયન્ટ્સ), આન્દ્રે રસલ (કોલકાતા નાઈટ રાઈડર્સ) રોમારિયો શેફર્ડ (મુંબઈ ઈન્ડિયન્સ)
T20 વર્લ્ડકપમાં ભાગ લેનાર દક્ષિણ આફ્રિકાના ખેલાડીઓ અને તેમની IPL ટીમો:
એડન માર્કરામ (સનરાઇઝર્સ હૈદરાબાદ), હેનરિક ક્લાસેન (સનરાઇઝર્સ હૈદરાબાદ), માર્કો યાન્સન (સનરાઇઝર્સ હૈદરાબાદ), ગેરાલ્ડ કોએત્ઝી (મુંબઇ ઇન્ડિયન્સ), ક્વિન્ટન ડી કોક (લખનૌ સુપર જાયન્ટ્સ), કેશવ મહારાજ (રાજસ્થાન રોયલ્સ), ડેવિડ મિલર (ગુજરાત ટાઇટન્સ) , એનરિચ નોર્ખિયા (દક્ષિણ આફ્રિકા), કગીસો રબાડા (પંજાબ કિંગ્સ), ટ્રિસ્ટન સ્ટબ્સ (દિલ્હી કેપિટલ્સ)
