- કપિલ દેવે BCCIને જોરદાર ઠપકો આપ્યો છે
- BCCIની કામગીરી પર ઉઠવ્યા સવાલ
- બોર્ડ ખેલાડીઓની સારી રીતે કાળજી નથી લેતુ
છેલ્લા બે દિવસથી કપિલ દેવ પોતાના નિવેદનોને લઈને હેડલાઈનમાં છવાયેલા છે. જેની વચ્ચે હવે કપિલ દેવે BCCIને ફટકાર લગાવી છે. પૂર્વ ભારતીય કેપ્ટન કપિલ દેવે ટીમ ઈન્ડિયાના શેડ્યૂલને લઈને BCCI પર નિશાન સાધ્યું છે. કપિલ દેવે BCCIને જોરદાર ઠપકો આપ્યો છે.
ભારતના ભૂતપૂર્વ કેપ્ટન કપિલ દેવ આ દિવસોમાં ભારતીય ક્રિકેટ બોર્ડની ટીકા કરી રહ્યા છે. ભારતીય ટીમને ઓક્ટોબર-નવેમ્બરમાં વર્લ્ડ કપ રમવાનો છે. હાલના સમયમાં ટીમ ઈન્ડિયાનું પ્રદર્શન સરેરાશ રહ્યું છે. મોટાભાગના ખેલાડીઓ ઈજાગ્રસ્ત થઈ રહ્યા છે. આવી સ્થિતિમાં કપિલ દેવે BCCI વિશે વાત કરી છે અને તેના પર સવાલો ઉઠાવ્યા છે. પૂર્વ ભારતીય કેપ્ટન કપિલ દેવે બીસીસીઆઈના કામ કરવાની રીત પર સવાલ ઉઠાવ્યા છે અને કહ્યું છે કે બોર્ડ તેના ખેલાડીઓની સારી રીતે સંભાળ રાખવામાં સક્ષમ નથી. પૂર્વ કેપ્ટને ભારતીય ટીમના શેડ્યૂલને લઈને પણ BCCIને ફટકાર લગાવી છે.
BCCIને લીધુ આડેહાથ
1983માં ભારતને વર્લ્ડ કપ જીતાડનાર કપિલ દેવે BCCI પર પોતાનો ગુસ્સો ઠાલવ્યો છે. એક ઈન્ટરવ્યુમાં કહ્યું કે બોર્ડ તેના ખેલાડીઓની સારી રીતે કાળજી નથી લઈ રહ્યું. કપિલ દેવે કહ્યું, "મને ખબર નથી..પણ જ્યારે તમે સારું પ્રદર્શન કરો છો, ત્યારે તે સાચો બોર્ડ છે, કંઈ ખોટું નથી..પણ સાચા બોર્ડમાં પણ સુધારાની જરૂર છે. જો હું તમને ભારતનું શેડ્યૂલ બતાવું જે મેં આજે જોયું છે, જેમાં ભારત 11 મેચ રમવાનું છે અને તેમને કેટલી મુસાફરી કરવી પડશે… આવું શેડ્યુલ કોણે બનાવ્યું? હવે જ્યારે ટીમ ભારતમાં રમી રહી છે ત્યારે તેની કાળજી કેવી રીતે રાખી શકાય, આ બાબતોનો વિચાર કરવો જોઈએ.."
જો હું બોર્ડ પ્રેસિડેન્ડ હોત..
પૂર્વ કેપ્ટન કપિલ દેવે વધુમાં કહ્યું, "તમે ધર્મશાલામાં રમી રહ્યા છો, પછી બેંગલુરુ, કોલકાતા... તમે 9 અલગ-અલગ જગ્યાએ મેચ રમી રહ્યા છો. કોઈએ મને પૂછ્યું કે તમે બોર્ડના પ્રમુખ હોત તો હું શું કરીશ, મેં જવાબ આપ્યો, "જો હું બીસીસીઆઈ પ્રમુખ હતો, હું મારી ટીમ માટે ચાર્ટર ફ્લાઈટની વ્યવસ્થા કરીશ, હું ઈચ્છું છું કે મારી ટીમ મેદાન પર પોતાનું સર્વશ્રેષ્ઠ પ્રદર્શન કરે. આ તે બાબતો છે જે બોર્ડે કરવી જોઈએ."
તમને જણાવી દઈએ કે વર્લ્ડ કપ પહેલા ભારતીય ટીમ એશિયા કપની સાથે ઓસ્ટ્રેલિયા સામે વનડે સીરિઝ પણ રમશે. તે જ સમયે, ભારતીય ટીમ હાલમાં વેસ્ટ ઈન્ડિઝના પ્રવાસ પર છે, જ્યાં તે 3 મેચની વનડે સીરિઝ રમી રહી છે. અત્યાર સુધીમાં બે વન-ડે રમાઈ છે, જેમાં એકમાં ભારત અને બીજી વેસ્ટ ઈન્ડિઝે જીતી છે.
