બોર્ડર-ગાવસ્કર ટ્રોફી પહેલા સ્ટાર બેટ્સમેને આપી ગૂડ ન્યૂઝ, ખેલાડીના ઘરે ગૂંજશે કિલકારી

ટીમ ઈન્ડિયાનો સ્ટાર બેટ્સમેન કેએલ રાહુલ આ દિવસોમાં ખરાબ ફોર્મ સાથે સંઘર્ષ કરી રહ્યો છે. આ દરમિયાન કેએલ રાહુલે તેના ચાહકોને એવા સમાચાર આપ્યા છે, જે સાંભળીને ચાહકો ખુશ થઈ જશે. કેએલ રાહુલે કહ્યું છે કે તે જલ્દી પિતા બનવા જઈ રહ્યો છે. ભારતીય બેટ્સમેને કહ્યું છે કે ટૂંક સમયમાં તેના ઘરે એક નાનો મહેમાન આવવાનો છે. કેએલ રાહુલે સોશિયલ મીડિયા પર જણાવ્યું હતું કે તેના પહેલા બાળકનો જન્મ 2025માં થશે.

રાહુલ-આથિયાએ સારા સમાચાર આપ્યા

રાહુલે 8 નવેમ્બરે ઈન્સ્ટાગ્રામ પર એક પોસ્ટ શેર કરી હતી. આ પોસ્ટમાં તેણે ફેન્સને ખુશખબર આપી છે. આ પોસ્ટ શેર કરતા તેણે લખ્યું કે અમને 2025માં સૌથી મોટી ખુશી મળશે. તમને જણાવી દઈએ કે રાહુલ અને બોલિવૂડ એક્ટ્રેસ અથિયા શેટ્ટીએ 23 જાન્યુઆરી 2023ના રોજ લગ્ન કર્યા હતા. તમને જાણીને નવાઈ લાગશે કે રાહુલે ઓસ્ટ્રેલિયા સામેની ટેસ્ટ સીરીઝ પહેલા લગ્ન પણ કર્યા હતા. હવે તેણે ઓસ્ટ્રેલિયા પ્રવાસ પહેલા આ સારા સમાચાર પણ આપ્યા છે.

ઓસ્ટ્રેલિયા સામે પ્રથમ ટેસ્ટ મેચમાં રમી શકે છે કેએલ રાહુલ

કેએલ રાહુલ હાલ ઓસ્ટ્રેલિયામાં છે. તે હાલમાં ઈન્ડિયા A તરફથી રમી રહ્યો છે. જો કે અત્યાર સુધી તે કંઈ ખાસ કરી શક્યો નથી. ઓસ્ટ્રેલિયા A સામેની મેચ બાદ તે થોડો સમય ઓસ્ટ્રેલિયામાં રહેશે. આ પછી તે ટીમ ઈન્ડિયા સાથે જોડાશે. તેને ટીમ ઈન્ડિયામાં પણ સ્થાન મળ્યું છે. એવી આશા છે કે તેને પર્થમાં 22 નવેમ્બરથી શરૂ થનારી પ્રથમ ટેસ્ટમાં તક મળી શકે છે. તે ઓપનિંગ બેટ્સમેન તરીકે જોવા મળી શકે છે.

પર્થ ટેસ્ટ મેચમાં રોહિત શર્માના રમવા પર શંકા છે. રોહિત શર્મા અંગત કારણોસર આ મેચમાંથી બહાર થઈ શકે છે. મળતી માહિતી મુજબ તે બીજી વખત પિતા બનવા જઈ રહ્યો છે. આવા સમયે તે તેની પત્ની રિતિકા સાથે રહેવા માંગે છે.