- કેએલ રાહુલે મિડલ ઓર્ડરમાં સારી બેટિંગ કરી
- આથિયાને સ્ટેડિયમ કરતા ઘરે રહેવું વધારે પસંદ છે
- રાહુલના મતે આથિયા અંધશ્રદ્ધાળુ અને થોડી વહેમી છે
ભારતીય ટીમ હાલ દક્ષિણ આફ્રિકાના પ્રવાસે છે. હાલમાં બંને ટીમો વચ્ચે બે મેચની ટેસ્ટ સિરીઝ ચાલી રહી છે. શ્રેણીની પ્રથમ મેચ સેન્ચુરિયનમાં રમાઈ હતી. પ્રથમ દાવમાં જ્યાં દેશના અન્ય બેટ્સમેનો વિરોધી બોલરોની સામે રન માટે સંઘર્ષ કરી રહ્યા હતા. જ્યારે કેએલ રાહુલે મિડલ ઓર્ડરમાં સારી બેટિંગ કરી હતી અને 101 રનની સદીની ઇનિંગ રમી હતી. બધાએ તે દરમિયાન રાહુલની આક્રમક બેટિંગની પ્રશંસા કરી હતી. દેશના પૂર્વ ક્રિકેટર સુનીલ ગાવસ્કરે તો તેને દેશની 10 સર્વશ્રેષ્ઠ સદીઓમાંની એક ગણાવી હતી.
રાહુલે વર્લ્ડકપમાં સારૂ પ્રદર્શન કર્યું
આ પહેલા રાહુલનું પ્રશંસનીય પ્રદર્શન વર્લ્ડકપમાં પણ જોવા મળ્યું હતું. તે ટૂર્નામેન્ટમાં વિકેટકીપર તરીકે ચમક્યો હતો. હાલમાં જ રાહુલે તેની પત્નીની એક નાની અંધશ્રદ્ધાનો ખુલાસો કર્યો છે. તમને જણાવી દઈએ કે રાહુલની પત્નીનું નામ આથિયા શેટ્ટી છે. આથિયા બોલિવૂડ અભિનેત્રી છે. તેમના પિતા સુનીલ શેટ્ટી છે, જેઓ બોલિવૂડ એક્ટર હોવાની સાથે એક સફળ બિઝનેસમેન પણ છે. રાહુલ તેની કારકિર્દીની સફળતામાં તેની પત્નીનું મહત્વનું યોગદાન માને છે. તે માને છે કે આથિયા હંમેશા તેને પ્રોત્સાહિત કરતી રહે છે અને તેને પહેલા કરતા વધુ સારૂ બનાવવાનો પ્રયાસ કરતી રહે છે.
આથિયા થોડી અંધવિશ્વાસુ
રાહુલના મતે આથિયા અંધશ્રદ્ધાળુ અને થોડી વહેમી છે. જ્યારે મને ઈજા થઈ ત્યારે તે ખૂબ જ નર્વસ હતી. આ દરમિયાન તે મારા પર ખૂબ ગુસ્સે પણ થઈ ગઇ. આ સમય દરમિયાન મેં તેને કોઈક રીતે શાંત કરી, કારણ કે તે મને પહેલીવાર આવી સ્થિતિમાં જોઈ રહી હતી.
આથિયાને સ્ટેડિયમ કરતા ઘરે રહેવાનું પસંદ
વર્લ્ડ કપ દરમિયાન જ્યારે અન્ય ક્રિકેટરોની પત્નીઓ સ્ટેડિયમમાં જોવા મળતી હતી, ત્યારે આથિયા ઘણીવાર ગાયબ જોવા મળતી હતી. રાહુલે કહ્યું કે મેં તેને સ્ટેડિયમ આવવા માટે કહ્યું હતું પરંતુ તેણે ઘરે તેના લકી સ્થાન પર બેસીને મેચ જોવાનું પસંદ કર્યું. રાહુલના કહેવા પ્રમાણે, જ્યારે તે મેદાનમાં બેટિંગ કરતો હોય છે ત્યારે આથિયાને તે લકી જગ્યાએથી ખસવાનું પણ પસંદ નથી. તે મારી રમત વિશે થોડી અંધશ્રદ્ધાળુ છે.
