- વર્તમાન પરિસ્થિતિને જોતા રોહિત શર્માને ટીમમાં સ્થાન મળવું પણ મુશ્કેલ
- લગભગ શર્મા 14 મહિના પછી રોહિત શર્માની T20 ટીમમાં વાપસી થઈ
- અફઘાનિસ્તાન સામેની પ્રથમ બે મેચમાં ખાતું પણ ન ખોલી શકયો રોહિત
અફઘાનિસ્તાન સામેની પ્રથમ બે મેચમાં ખાતું પણ ન ખોલી શકયા બાદ કેપ્ટન રોહિત શર્માની જગ્યા પ્રશ્નના ઘેરામાં આવી ગઈ છે. આ વર્ષે યોજાનાર T20 વર્લ્ડ કપને ધ્યાનમાં રાખીને, રોહિત શર્મા 14 મહિના પછી સૌથી ટૂંકા ફોર્મેટમાં પાછો ફર્યો. માનવામાં આવી રહ્યું હતું કે BCCI T20 વર્લ્ડ કપમાં કેપ્ટનશિપની જવાબદારી રોહિત શર્માને આપી શકે છે. પરંતુ વર્તમાન પરિસ્થિતિને જોતા કેપ્ટન્સી તો બહુ દૂરની વાત છે અને રોહિત શર્માને ટીમમાં સ્થાન મળે છે કે નહીં તેની ચર્ચા શરૂ થઈ ગઈ છે.
રોહિત શર્માની T20 ટીમમાં વાપસી
ODI વર્લ્ડકપમાં તેનું શાનદાર પ્રદર્શન જોઈને રોહિત શર્માની T20 ટીમમાં વાપસી થઈ છે. જોકે, રોહિત શર્મા ટી-20માં તેવો દેખાવ કરી શક્યો નથી જે તેણે વનડેમાં બતાવ્યો હતો. ટાર્ગેટનો પીછો કરતી વખતે રોહિત શર્માનો રેકોર્ડ એટલો શરમજનક છે કે જો તે અન્ય કોઈ ખેલાડી હોત તો તે ઘણા સમય પહેલા જ બહાર થઈ ગયો હોત. છેલ્લી 5 મેચમાં રોહિત શર્મા ચાર વખત ખાતું ખોલાવી શક્યો નથી. રોહિત શર્માએ માત્ર એક જ વાર ખાતું ખોલાવ્યું છે અને તેમાં પણ તેની ઇનિંગ્સ 4 રનથી આગળ વધી શકી નથી.
નીચે જઈ રહ્યો છે રોહિતનો ગ્રાફ
રોહિત શર્માની ટી20 કારકિર્દી ઘણી લાંબી રહી છે અને તે 150 મેચ રમનાર વિશ્વનો પ્રથમ ખેલાડી છે. રોહિત શર્માએ 150 મેચની 142 ઇનિંગ્સમાં 30.34ની એવરેજ અને 139.1ની સ્ટ્રાઇક રેટથી 3853 રન બનાવ્યા છે. રોહિત શર્માએ ટી20માં 29 અડધી સદી ફટકારી છે અને તે ચાર સદી પણ ફટકારવામાં સફળ રહ્યો છે. પરંતુ છેલ્લા કેટલાક સમયથી રોહિત શર્માના રૂપમાં સતત ઘટાડો જોવા મળી રહ્યો છે.
રોહિત શર્મા પાસે પોતાને સાબિત કરવાની તક
રોહિત શર્માને અફઘાનિસ્તાન સામેની ટી-20 સિરીઝમાં તક આપવામાં આવી હતી જેથી હાર્દિક પંડ્યાના ન રમવાની સ્થિતિમાં તેને કેપ્ટનશિપની જવાબદારી સોંપવામાં આવે. જોકે, રોહિત શર્મા પાસે હજુ પણ પોતાને સાબિત કરવાની તક છે. જો રોહિત શર્મા IPLમાં સારું પ્રદર્શન કરશે તો તેને ટીમની કેપ્ટનશીપ મળશે તે નિશ્ચિત છે.
