- સનરાઈઝર્સ હૈદરાબાદ અને ચેન્નાઈ સુપર કિંગ્સ વચ્ચે મેચ
- હૈદરાબાદના રાજીવ ગાંધી ઈન્ટરનેશનલ સ્ટેડિયમમાં મેચ
- પેટ કમિન્સે ટોસ જીતીને પ્રથમ બેટિંગ કરવાનો લીધો નિર્ણય
IPL 2024ની 18મી મેચમાં આજે સનરાઈઝર્સ હૈદરાબાદ ચેન્નાઈ સુપર કિંગ્સ સામે ટકરાશે. હૈદરાબાદમાં રમાઈ રહેલી આ મેચમાં સનરાઈઝર્સ હૈદરાબાદના કેપ્ટન પેટ કમિન્સે ટોસ જીતીને પ્રથમ બોલિંગ કરવાનું પસંદ કર્યું હતું. ચેન્નાઈ સુપર કિંગ્સની પ્લેઈંગ-11માં કેટલાક ફેરફાર કરવામાં આવ્યા છે. ફાસ્ટ બોલર મથિશા પથિરાના રમી રહ્યો નથી. ટોસ દરમિયાન CSKના કેપ્ટન રૂતુરાજ ગાયકવાડે જણાવ્યું કે પથિરાના ઈજાગ્રસ્ત છે. બીજી તરફ મુસ્તફિઝુર રહેમાન પણ વિઝાના કારણે બાંગ્લાદેશ પરત ફર્યો છે. આવી સ્થિતિમાં તે આગામી કેટલીક મેચો ચૂકી શકે છે.
CSKનો મુખ્ય બોલર ઈજાગ્રસ્ત
ચેન્નાઈ સુપર કિંગ્સ આજે તેના બે મુખ્ય બોલરો વિના મેદાનમાં ઉતરી છે. રુતુરાજે કહ્યું કે પથિરાના પીઠની ઈજાના કારણે આજની મેચમાં તેને આરામ આપવામાં આવ્યો છે. પથિરાનાની ઈજાની ગંભીરતા અંગે કોઈ અપડેટ નથી. ચેન્નાઈ આ મેચમાં પથિરાનાની ખોટ અનુભવશે. ડેથ ઓવરોમાં તે ટીમનું મુખ્ય હથિયાર છે. રુતુરાજે ટોસ દરમિયાન સંકેત આપ્યો હતો કે ફાસ્ટ બોલર મુકેશ ચૌધરીને ઈમ્પેક્ટ પ્લેયર તરીકે સામેલ કરી શકાય છે. તેના સિવાય શાર્દુલ ઠાકુર પણ ઈમ્પેક્ટ ખેલાડીઓની યાદીમાં છે.
મુસ્તાફિઝુર રહેમાન
CSKનો ઘાતક બોલર મુસ્તાફિઝુર રહેમાન બાંગ્લાદેશ પરત ફર્યો છે. જો અહેવાલો પર વિશ્વાસ કરવામાં આવે તો, તે T20 વર્લ્ડકપને ધ્યાનમાં રાખીને કેટલાક વિઝા કામ માટે બાંગ્લાદેશ પરત ફર્યો છે. આવી સ્થિતિમાં તે એકથી વધુ મેચ ચૂકી શકે છે. તેણે 3 મેચમાં કુલ 7 વિકેટ લીધી છે. રહેમાનની ગેરહાજરી અને પથિરાનાની ઈજાએ CSKનું ટેન્શન વધાર્યું છે. પથિરાનાએ આ સિઝનમાં રમાયેલી 2 મેચમાં 4 વિકેટ લીધી હતી. આઈપીએલમાં શ્રીલંકાના બોલરના પ્રદર્શનની વાત કરીએ તો તેણે અત્યાર સુધી રમાયેલી 16 મેચમાં 25 સફળતા મેળવી છે. આ સમયગાળા દરમિયાન તેની એવરેજ 19.32 અને ઇકોનોમી 7.90 હતી. 3/15 એ લીગમાં તેનું સર્વશ્રેષ્ઠ બોલિંગ પ્રદર્શન છે.
