MI એ IPL 2024 માટે જર્સી કરી લોન્ચ,હાર્દિક પંડયા વીડિયોમાં છેલ્લે દેખાયાં

• મુંબઈની ટીમ ઘણા સમયથી તેના અનેક કારનામાઓને લઈને ચર્ચામાં
  
• હાર્દિકને મુંબઈ દ્વારા ગુજરાત ટાઇટન્સ સાથે રોકડ સોદામાં લેવડાવવામાં આવ્યો
• કેપ્ટન તરીકે હાર્દિક પંડયાને ટીમના દરેક કામમાં અગ્રેસર જોવા મળવો જોઈએ

જર્સી લોન્ચનો વીડિયો

મુંબઈ ઈન્ડિયન્સે IPL 2024 પહેલા નવી જર્સી લોન્ચ કરી છે. પરંતુ કદાચ આ જર્સી લોન્ચમાં નવા કેપ્ટન હાર્દિક પંડયા વીડિયોમાં છેલ્લે દેખાયા,સૌથી પહેલા તમને જણાવી દઈએ કે આ વખતે એટલે કે 2024 IPLમાં હાર્દિક પંડયા રોહિત શર્માની જગ્યાએ મુંબઈ ઈન્ડિયન્સની કમાન સંભાળતો જોવા મળશે.અને પછી થોડા દિવસો પછી તે ટીમનો નવો કેપ્ટન બનશે તેવી જાહેરાત કરવામાં આવી હતી. વાસ્તવમાં મુંબઈ ઈન્ડિયન્સે જર્સી લોન્ચનો વીડિયો સોશિયલ મીડિયા પર શેર કર્યો હતો. વીડિયોમાં નવી જર્સીની પહેલી ઝલક જોવા મળે છે. પછી આખી જર્સી જાહેર થાય છે. આ પછી રોહિત શર્મા પહેલીવાર જર્સી પહેરીને જોવા મળે છે. ત્યારબાદ સૂર્યકુમાર યાદવ, ઈશાન કિશન અને જસપ્રિત બુમરાહ સહિત ઘણા ખેલાડીઓ જોવા મળે છે. આ રીતે હાર્દિક પંડયા 8 નંબરની જર્સી પહેરેલો જોવા મળે છે.

વીડિયોમાં હાર્દિક પંડયા છેલ્લે દેખાયા

પરંતુ કેપ્ટન તરીકે હાર્દિક પંડયાને વીડિયોમાં સૌથી પહેલા જોવા મળવો જોઈતો હતો, પરંતુ એવું ન થયું, તેના બદલે પૂર્વ કેપ્ટન રોહિત શર્માને નંબર વન પર બતાવવામાં આવ્યો. જોકે આ પાછળ મુંબઈની શું વિચારસરણી હતી તે વિશે કંઈ કહી શકાય નહીં. પરંતુ ઘણીવાર આવા વીડિયોમાં કેપ્ટન પહેલા જોવા મળે છે.રોહિત શર્મા મુંબઈ ઈન્ડિયન્સ માટે ખૂબ જ સફળ કેપ્ટન સાબિત થયો છે. તેની કપ્તાની હેઠળ તેણે ટીમને કુલ પાંચ IPL ટાઈટલ જીતાડયા છે. પરંતુ તેમ છતાં તેની પાસેથી કેપ્ટનશીપ છીનવાઈ ગઈ હતી. હવે એ જોવાનું રસપ્રદ રહેશે કે હાર્દિકની કપ્તાનીમાં મુંબઈ કેવું રમે છે.