MIમાં પહોંચતા જ હાર્દિક પંડ્યાએ જુના મિત્રનું કર્યું સ્વાગત, વીડિયો કર્યો શેર

• મુંબઈ ઈન્ડિયન્સનો કેપ્ટન હાર્દિક પંડ્યા IPL 2024 માટે ફ્રેન્ચાઈઝી સાથે જોડાયો
  
• MI બેટિંગ કોચ કીરોડ પોલાર્ડ પણ તાલીમ કેપ દરમિયાન જોડાયો હતો
• હાર્દિક પંડ્યા પોલાર્ડનું સ્વાગત કરતો જોવા મળ્યો હતો

મુંબઈ ઈન્ડિયન્સનો કેપ્ટન હાર્દિક પંડ્યા IPL 2024 માટે ફ્રેન્ચાઈઝી સાથે જોડાઈ ગયો છે. MI બેટિંગ કોચ કીરોડ પોલાર્ડ પણ તાલીમ કેપ દરમિયાન જોડાયા હતા. આ દરમિયાન કેપ્ટન હાર્દિક પંડ્યા પોલાર્ડનું સ્વાગત કરતો જોવા મળ્યો હતો. બંનેએ ભૂતકાળમાં મુંબઈ ઈન્ડિયન્સ માટે ઘણી મેચ વિનિંગ ઈનિંગ્સ રમી છે. આ ઉપરાંત બંને ખૂબ સારા મિત્રો પણ માનવામાં આવે છે.

IPL 2024માં પાંચ વખતની ચેમ્પિયન મુંબઈ ઈન્ડિયન્સની કમાન હાર્દિક પંડ્યાના હાથમાં છે. આ દરમિયાન કિરોન પોલાર્ડે આઈપીએલમાંથી નિવૃત્તિ લઈ લીધી છે. તેમની નિવૃત્તિની જાહેરાત બાદ, MI એ ભૂતપૂર્વ ઓલરાઉન્ડરને ટીમના બેટિંગ કોચ તરીકે નિયુક્ત કર્યા. પાકિસ્તાન સુપર લીગનો હિસ્સો રહેલો પોલાર્ડ બુધવારે MI ટીમ હોટલ પહોંચ્યો હતો.

MI એ વીડિયો શેર કર્યો

MIએ તેના સોશિયલ મીડિયા પર એક વીડિયો શેર કર્યો છે. તેમાં પંડ્યા વેસ્ટ ઈન્ડિઝના ઓલરાઉન્ડર મુંબઈમાં ટ્રેનિંગ કેમ્પમાં સામેલ થવાના હતા તેના એક દિવસ પહેલા પોલાર્ડના આગમન વિશે વાત કરતો જોવા મળ્યો હતો. જ્યારથી હાર્દિક પંડ્યાને MIનો કેપ્ટન બનાવવામાં આવ્યો છે ત્યારથી તેની અને પોલાર્ડ વચ્ચેના કોમ્બિનેશનને લઈને ચર્ચા ચાલી રહી છે.

પોલાર્ડ 2022માં નિવૃત્ત થયો હતો

નોંધનીય છે કે પોલાર્ડ અને પંડ્યા મુંબઈ ઈન્ડિયન્સ માટે સૌથી ભરોસાપાત્ર ઓલરાઉન્ડરોમાં સામેલ છે. પોલાર્ડને 2010માં મુંબઈ ઈન્ડિયન્સે ખરીદ્યો હતો, ત્યારથી તે વર્ષ 2022 સુધી મુંબઈ તરફથી રમતા જોવા મળ્યો હતો. પોલાર્ડે MI માટે 189 મેચમાં 2180 રન અને 69 વિકેટ લીધી છે. પોલાર્ડના આગમનના થોડા દિવસો પહેલા, ભૂતપૂર્વ MI બોલર લસિથ મલિંગા પણ આગામી IPL સિઝન માટે ટીમ સાથે જોડાયા હતા. તે બોલિંગ કોચની ભૂમિકામાં જોવા મળશે.