- T20 વર્લ્ડકપ 2024 1 જૂનથી વેસ્ટ ઈન્ડિઝ અને યુએસએ દ્વારા આયોજિત કરાશે
- ભારતીય ટીમ તેની પ્રથમ મેચ 5 જૂને આયર્લેન્ડ સામે રમશે
- ટીમોએ એક મહિના અગાઉ એટલે કે 1લી મે સુધીમાં સ્કવોડ જાહેર કરવી પડશે
T20 વર્લ્ડકપ 2024 1 જૂનથી વેસ્ટ ઈન્ડિઝ અને યુએસએ દ્વારા આયોજિત થવા જઈ રહ્યો છે. આ ટુર્નામેન્ટમાં કુલ 20 ટીમો ભાગ લેવાની છે. આ મેગા ઈવેન્ટ માટે 5 ટીમોને ચાર ગ્રુપ A, B, C અને Dમાં વહેંચવામાં આવશે. ભારતીય ટીમને પાકિસ્તાન, યજમાન યુએસએ, કેનેડા અને આયર્લેન્ડની સાથે ગ્રુપ Aમાં રાખવામાં આવી છે. આ ટુર્નામેન્ટ 1 જૂનથી 29 જૂન સુધી ચાલશે અને દરેક ટીમ લીગ તબક્કામાં ચાર મેચ રમશે.
3 ઓપનર, 2 વિકેટકીપર, 3 ઓલરાઉન્ડર...નો સમાવેશ થશે?
ભારતીય ટીમ તેની પ્રથમ મેચ 5 જૂને આયર્લેન્ડ સામે રમશે. જ્યારે ટુર્નામેન્ટ 1 જૂનથી શરૂ થશે. ટીમોએ એક મહિના અગાઉ એટલે કે 1લી મે સુધીમાં ટીમને બહાર પાડવી પડશે. જો આ અંગે ચર્ચા કરીએ તો ભારતીય ટીમ આગામી વર્લ્ડકપ માટે ટીમમાં ત્રણ ઓલરાઉન્ડર, ત્રણ ઓપનર અને બે વિકેટકીપર બેટ્સમેનનો સમાવેશ કરી શકે છે. રિંકુ સિંહ અને યશસ્વી જયસ્વાલ નવા ચહેરા તરીકે સ્થાન બનાવી શકે છે. જ્યારે વિરાટ કોહલી, શુભમન ગિલ, રોહિત શર્મા, હાર્દિક પંડ્યા, રવિન્દ્ર જાડેજા, જસપ્રિત બુમરાહ જેવા સિનિયર ખેલાડીઓ પણ આ ટીમનો ભાગ બની શકે છે. મોહમ્મદ શમી અને પ્રસિદ્ધ કૃષ્ણા વર્લ્ડકપમાંથી બહાર થઈ જશે તે લગભગ નિશ્ચિત છે.
આવી સ્થિતિમાં પેસ બેટરીની કમાન સંભાળનારા ત્રણ ખેલાડીઓમાંથી એક નવું નામ વનડે વર્લ્ડકપ ટીમમાં સામેલ થઈ શકે છે. આ ટીમમાં ત્રણ ઓપનર પણ જોવા મળી શકે છે. રોહિત શર્મા ટી20માં ઓપનિંગ કરશે અને તાજેતરમાં તેણે જાન્યુઆરીમાં અફઘાનિસ્તાન સામે સદી ફટકારી હતી. યશસ્વી જયસ્વાલ અને શુભમન ગિલ પણ ઓપનર તરીકે ટીમમાં સામેલ થઈ શકે છે. પરંતુ એક સમયે પ્લેઇંગ 11માં બેમાંથી એકને જ તક મળશે. રોહિતે ઓપનિંગની પુષ્ટિ કરી છે. એટલે કે ટીમમાં ત્રણ ઓપનર રમશે.
ટીમ ઈન્ડિયાની સંભવિત ટીમ
ઓપનર
રોહિત શર્મા (કેપ્ટન), શુભમન ગિલ, યશસ્વી જયસ્વાલ
મિડલ ઓર્ડર
વિરાટ કોહલી, સૂર્યકુમાર યાદવ, રિંકુ સિંહ
વિકેટ કીપર
કેએલ રાહુલ, રિષભ પંત
ઓલરાઉન્ડર
હાર્દિક પંડ્યા, રવિન્દ્ર જાડેજા, અક્ષર પટેલ
બોલર
કુલદીપ યાદવ (સ્પિન), જસપ્રિત બુમરાહ (પેસ), મોહમ્મદ સિરાજ (પેસ), અર્શદીપ સિંહ (પેસ).
