MI vs RCB: 17 વર્ષ બાદ બુમરાહે 5 વિકેટ લઈને રચ્યો ઈતિહાસ

• મુંબઈ ઈન્ડિન્સ અને RCB વચ્ચે મેચ 
  
• મુંબઈના વાનખેડે સ્ટેડિયમમાં રમાઇ મેચ 
• IMએ 7 વિકેટે RCBને હરાવ્યું

મુંબઈ ઈન્ડિયન્સના ફાસ્ટ બોલર જસપ્રિત બુમરાહે RCBના બેટ્સમેનોને ટક્કર આપી છે. બુમરાહે ફાસ્ટ બોલિંગથી તબાહી મચાવી અને કંઈક એવું કર્યું જે 17 વર્ષમાં કોઈ બોલર કરી શક્યો ન હતો. પ્રથમ બેટિંગ કરતા RCBએ 8 વિકેટે 196 રન બનાવ્યા હતા.

મુંબઈ ઈન્ડિન્સ અને RCB વચ્ચે મેચ 

બુમરાહ RCB સામે 5 વિકેટ લેનારો પહેલો બોલર બની ગયો છે, તેના પહેલા સર્વશ્રેષ્ઠ બોલિંગ આશિષ નેહરાના નામે હતી. આશિષ નેહરાએ 10 રનમાં 4 વિકેટ લીધી હતી. બુમરાહે 21 રનમાં 5 વિકેટ લીધી હતી. MI અને RCB વચ્ચેની મેચમાં ટોસ જીતીને પ્રથમ બોલિંગ કર્યા બાદ મુંબઈ ઈન્ડિયન્સે શાનદાર શરૂઆત કરી હતી. મુંબઈના શક્તિશાળી સ્ટ્રાઈક બોલર બુમરાહે ત્રીજી ઓવરમાં વિરાટ કોહલીને ઈશાન કિશનના હાથે કેચ આઉટ કરાવ્યો હતો.

બુમરાહે 5 વિકેટ લઈને રચ્યો ઈતિહાસ

વિરાટ કોહલી માત્ર 3 રનના અંગત સ્કોર પર આઉટ થયો હતો. આ પછી નવોદિત વિલ જેક્સની વિકેટ પડી. તે 8 રનના અંગત સ્કોર પર આઉટ થયો હતો. જેક્સને આકાશ માધવાણીએ ટિમ ડેવિડના હાથે કેચ કરાવ્યો હતો. અહીંથી બેટિંગ કરવા ક્રિઝ પર આવેલા રજત પાટીદારના બેટમાંથી જોરદાર ધમાકો જોવા મળ્યો હતો. રજત પાટીદારે તોફાની સ્ટાઈલમાં બેટિંગ કરતા મુંબઈની બોલિંગનો નાશ કર્યો હતો. તેણે આક્રમક બેટિંગ કરી અને 26 બોલમાં 50 રન બનાવ્યા. પાટીદારના બેટમાંથી 3 ચોગ્ગા અને 4 છગ્ગા આવ્યા હતા. અત્યાર સુધી રન માટે સંઘર્ષ કરી રહેલા પાટીદારે હલચલ મચાવી હતી.

બીજા છેડે કેપ્ટન ફાફ ડુ પ્લેસિસે શાનદાર બેટિંગ કરીને અડધી સદી ફટકારી હતી. જોકે, ગ્લેન મેક્સવેલે ફરી એકવાર નિરાશ કર્યો હતો. તે ખાતું ખોલાવ્યા વિના જ આઉટ થઈ ગયો હતો. મેક્સવેલને શ્રેયસ ગોપાલે LBW કર્યો હતો. ફાફ ડુ પ્લેસિસ 40 બોલમાં 61 રન બનાવીને અડધી સદી ફટકારીને આઉટ થયો હતો. તેમના પછી મહિપાલ લોમરોડ પણ ચાલ્યા ગયા, તેઓ ખાતું પણ ખોલાવી શક્યા નહીં. અંતે દિનેશ કાર્તિકે પોતાના બેટથી હંગામો મચાવ્યો હતો અને બોલરોને ફટકાર્યા હતા. તે 23 બોલમાં 53 રનની અણનમ ઇનિંગ રમીને પરત ફર્યો હતો. કાર્તિકે પોતાની ઇનિંગમાં 5 ફોર અને 4 શાનદાર સિક્સર ફટકારી હતી.