મોહમ્મદ શમીને પ્લેઈંગ ઈલેવનમાં સ્થાન ન મળતાં ફેન્સ ભડક્યા

• ભારત-પાકિસ્તાન વચ્ચે શ્રીલંકામાં મેચ રમાઈ રહી છે
  
• મોહમ્મદ શમીને પ્લેઈંગ ઇલેવનમાં સ્થાન નહી
• શમીને ટીમમાં સામેલ ન કરતા ફેન્સે આપી પ્રતિક્રિયા

ભારત અને પાકિસ્તાન વચ્ચે એશિયા કપ 2023 ની ત્રીજી મેચ શ્રીલંકાના પલ્લેકેલે સ્ટેડિયમમાં રમાઈ રહી છે. આ મેચમાં ભારતીય ટીમે ટોસ જીતીને પ્રથમ બેટિંગ કરવાનો નિર્ણય લીધો છે. વરસાદ આ મેચમાં વિલન સાબિત થઈ રહ્યો છે. આ મેચમાં અનુભવી ફાસ્ટ બોલર મોહમ્મદ શમીને ટીમ ઈન્ડિયાના પ્લેઈંગ ઈલેવનમાં સ્થાન મળ્યું નથી. આ મેચમાં ભારતીય ટીમ 3 ફાસ્ટ બોલરો સાથે રમવા આવી છે. જસપ્રીત બુમરાહ ઉપરાંત મોહમ્મદ સિરાજ, શાર્દુલ ઠાકુરનો આમાં સમાવેશ કરવામાં આવ્યો છે. શમીની પસંદગી ન થવાને કારણે સોશિયલ મીડિયા પર ભારતીય ફેન્સની પ્રતિક્રિયા પણ જોવા મળી રહી છે.

પ્લેઈંગ ઈલેવનમાંથી બહાર શમી

વર્લ્ડ ટેસ્ટ ચેમ્પિયનશિપ 2023ની ફાઈનલ મેચ બાદ લાંબા આરામ બાદ એશિયા કપની ટીમમાં મોહમ્મદ શમીનો સમાવેશ કરવામાં આવ્યો હતો. દરેકને આશા હતી કે શમીનું આ મેચમાં રમવાનું લગભગ નિશ્ચિત છે, પરંતુ ભારતીય ટીમ મેનેજમેન્ટે શમીને બહાર રાખવાના નિર્ણયથી ચોક્કસપણે બધાને આશ્ચર્યચકિત કરી દીધા. આ વચ્ચે એવું માનવામાં આવી રહ્યું છે કે ટીમની બેટિંગને ઊંડાણ આપવામાં આવી રહ્યું છે, જેમાં બેટ્સમેન તરીકે શાર્દુલ પણ ટીમ માટે ઉપયોગી સાબિત થઈ શકે છે.

શ્રેયસ અય્યર અને જસપ્રિત બુમરાહ ભારતીય ટીમમાં પરત ફર્યા છે

લાંબા સમય બાદ ફાસ્ટ બોલર જસપ્રિત બુમરાહ અને મિડલ ઓર્ડર બેટ્સમેન શ્રેયસ અય્યર 4 વર્ષ બાદ પાકિસ્તાન સામે રમી રહેલી ભારતીય ટીમમાં ODI ટીમમાં વાપસી કરતા જોવા મળી રહ્યા છે. અય્યર તેની પીઠની ઈજામાંથી સંપૂર્ણ રીતે ફિટ છે અને મિડલ ઓર્ડરમાં ફરીથી મહત્વની ભૂમિકા ભજવવા માટે તૈયાર છે. ભારતીય ટીમ માટે વર્લ્ડ કપ પહેલા આ ટૂર્નામેન્ટ તૈયારીઓની દૃષ્ટિએ ખૂબ જ મહત્વપૂર્ણ માનવામાં આવે છે, જ્યાં ટીમ તેની ખામીઓને દૂર કરવાનો પ્રયાસ કરતી જોવા મળશે.

શમીની ટીમમાં પસંદગી ન કરવા પર ફેન્સની પ્રિતિક્રિયા