- ભારતના રાષ્ટ્રપતિ મોહમ્મદ શમીને અર્જુન એવોર્ડથી સન્માનિત કરશે
- શમી ઉપરાંત 26 ખેલાડીઓને અર્જુન એવોર્ડથી સન્માનિત કરાશે
- તેમના ઉત્કૃષ્ટ પ્રદર્શન માટે અર્જુન એવોર્ડથી સન્માનિત કરવામાં આવશે
ભારતના ફાસ્ટ બોલર મોહમ્મદ શમીને અર્જુન એવોર્ડ મળવા જઈ રહ્યો છે. આ અંગે શમીએ કહ્યું છે કે આ એવોર્ડ મેળવવો તેના માટે એક સ્વપ્ન સાકાર થવા જેવું છે. અર્જુન એવોર્ડ, ભારતનો બીજો સર્વોચ્ચ એથ્લેટિક સન્માન, ચાર વર્ષના સમયગાળામાં સારા પ્રદર્શન, નેતૃત્વ, ખેલદિલી અને શિસ્તની ભાવના માટે આપવામાં આવે છે. મોહમ્મદ શમી સહિત કુલ 25 ખેલાડીઓને આ વખતે આ એવોર્ડ મળવાનો છે. ફાસ્ટ બોલરે આ સન્માન પર ખુશી વ્યક્ત કરતા કહ્યું કે ઘણા વર્ષોની મહેનત પછી પણ લોકો આ એવોર્ડ જીતી શક્યા નથી.
ભારતના રાષ્ટ્રપતિ અર્જુન એવોર્ડથી સન્માનિત કરશે
મંત્રાલયની અખબારી યાદી અનુસાર, પુરસ્કાર વિજેતાઓને 9 જાન્યુઆરી, 2024 (મંગળવાર)ના રોજ સવારે 11:00 વાગ્યે રાષ્ટ્રપતિ ભવન ખાતે વિશેષ રીતે આયોજિત સમારોહમાં ભારતના રાષ્ટ્રપતિ દ્રૌપદી મુર્મુ પાસેથી પુરસ્કારો પ્રાપ્ત થશે. શમીએ છેલ્લા કેટલાક વર્ષોમાં સારું પ્રદર્શન કર્યું છે અને તે 2023 ODI વર્લ્ડ કપમાં સૌથી વધુ વિકેટ લેનાર બોલર હતો.
વર્લ્ડ કપમાં જોવા મળ્યો મોહમ્મદ શમીનો જાદુ...
તાજેતરમાં જ મોહમ્મદ શમીએ વર્લ્ડ કપમાં શાનદાર બોલિંગ કરી હતી. આ ટૂર્નામેન્ટમાં મોહમ્મદ શમીએ સૌથી વધુ વિકેટ લીધી હતી. આ ભારતીય ફાસ્ટ બોલરે 7 મેચમાં 24 વિપક્ષી બેટ્સમેનોને પોતાનો શિકાર બનાવ્યા હતા. મોહમ્મદ શમીના શાનદાર પ્રદર્શનના કારણે ટીમ ઈન્ડિયા ફાઈનલમાં પહોંચી હતી. જોકે ભારતીય ટીમને ટાઈટલ મેચમાં હારનો સામનો કરવો પડ્યો હતો.
ખેલ રત્ન એવોર્ડઃ ચિરાગ શેટ્ટી (બેડમિન્ટન) અને સાત્વિકસાઈરાજ રેન્કી રેડ્ડી (બેડમિન્ટન)
અર્જુન એવોર્ડઃ ઓજસ પ્રવીણ દેવતાલે (તીરંદાજી), અદિતિ ગોપીચંદ સ્વામી (તીરંદાજી), શ્રીશંકર (એથ્લેટિક્સ), પારુલ ચૌધરી (એથ્લેટિક્સ), મોહમ્મદ હુસામુદ્દીન (બોક્સર), આર વૈશાલી (ચેસ), મોહમ્મદ શમી (ક્રિકેટ), અનુષ અગ્રવાલ (ઘોડેસવારી ), દિવ્યકૃતિ સિંહ (ઘોડેસવારી ડ્રેસ), દીક્ષા ડાગર (ગોલ્ફ), કૃષ્ણ બહાદુર પાઠક (હોકી), સુશીલા ચાનુ (હોકી), પવન કુમાર (કબડ્ડી), રિતુ નેગી (કબડ્ડી), નસરીન (ખો-ખો), પિંકી (લૉન બોલ્સ), ઐશ્વર્યા પ્રતાપ સિંહ તોમર (શૂટિંગ), ઈશા સિંહ (શૂટિંગ), હરિન્દર પાલ સિંહ (સ્ક્વૉશ), આહિકા મુખર્જી (ટેબલ ટેનિસ), સુનિલ કુમાર (કુસ્તી), અંતિમ (કુસ્તી), રોશિબિના દેવી (વુશુ), શીતલ દેવી (પેરા તીરંદાજી), અજય કુમાર (બ્લાઈન્ડ ક્રિકેટ), પ્રાચી યાદવ (પેરા કેનોઈંગ)
