- શ્રીલંકાએ ત્રીજી વનડેમાં ભારતને 110 રનથી હરાવ્યું
- આ મેચમાં સિરાજ અને કુસલ મેન્ડિસ વચ્ચે બોલચાલી
- ઉગ્ર બોલચાલીનો વીડિયો સોશિયલ મીડિયા પર વાયરલ
જો ભારતીય ટીમનો ફાસ્ટ બોલર મોહમ્મદ સિરાજ મેદાનમાં હોય તો ગમે ત્યારે કંઈ પણ થઈ શકે છે. જોકે સિરાજ પોતાની ઘાતક બોલિંગથી વિકેટ લેવા માટે જાણીતો છે, પરંતુ ક્યારેક તે પોતાના તેવર પણ બતાવે છે. આ વખતે પણ એવું જ થયું. ભારત અને શ્રીલંકા વચ્ચે કોલંબોમાં રમાઈ રહેલી ત્રીજી ODIમાં ફરી એકવાર કંઈક આવું જ જોવા મળ્યું, જ્યારે તે મેચની મધ્યમાં શ્રીલંકાના બેટ્સમેન કુસલ મેન્ડિસ સાથે બોલચાલી કરતો જોવા મળે છે.
સિરાજ અને મેન્ડિસ વચ્ચે બોલચાલી
આજની મેચમાં શ્રીલંકાના કેપ્ટને ટોસ જીતીને પ્રથમ બેટિંગ કરવાનો નિર્ણય લીધો હતો. એટલે કે ભારતે પહેલા બોલિંગ કરવાની હતી. શ્રીલંકાના ઓપનરોએ ટીમને સારી શરૂઆત અપાવી હતી. ઇનિંગ્સની 38 ઓવર પૂરી થઈ ગઈ હતી અને શ્રીલંકાની ટીમે ત્રણ વિકેટે 138 રન બનાવ્યા હતા. કેપ્ટન રોહિત શર્માએ 39મી ઓવર મોહમ્મદ સિરાજને આપી હતી. આ દરમિયાન આ ઓવરના ત્રીજા બોલ પર સિરાજ અને કુસલ મેન્ડિલ વચ્ચે બોલચાલી થઈ હતી.
સિરાજનો આ બોલ લગભગ 135 કિલોમીટર પ્રતિ કલાકની ઝડપે ફેંકવામાં આવ્યો હતો. આ એક સ્કિડ બોલ હતો, જે થોડો નીચો પણ રહ્યો હતો. મેન્ડિસે સમયસર તેનું બેટ નીચું કર્યું અને બોલ રોક્યો હતો. આ પછી સિરાજ અને મેન્ડિસ એકબીજા બોલચાલી કરતા જોવા મળે છે. આ ઘટના થોડીક સેકન્ડો સુધી ચાલુ રહે છે અને તે પછી સિરાજ તેના રનઅપ પર પાછો ફરે છે.
મેચની સ્થિતિ
ત્રીજી વનડેમાં શ્રીલંકાની ટીમે પ્રથમ બેટિંગ કરતા ભારતીય ટીમને 249 રનનો ટાર્ગેટ આપ્યો હતો જેના જવાબમાં ટીમ ઈન્ડિયા 138 રનમાં ઓલઆઉટ થઈ ગઈ હતી. ભારતીય ટીમ પૂરી 50 ઓવર પણ રમી શકી નહોતી. રોહિત શર્માએ ચોક્કસપણે 35 રન બનાવ્યા હતા. વોશિંગ્ટન સુંદરે ચોક્કસપણે અંતમાં ઘણા મોટા સ્ટ્રોક ફટકાર્યા. પરંતુ ત્યાં સુધીમાં ઘણું મોડું થઈ ગયું હતું. શ્રીલંકાના સ્પિનરોએ ફરી એકવાર તબાહી મચાવી દીધી હતી જેમાં દુનિથ વેલાલ્લાગે 27 રન આપીને પાંચ વિકેટ લીધી હતી જ્યારે મહેશ તિક્ષ્ણા અને જેફરી વેન્ડરસેએ બે-બે વિકેટ લીધી હતી.
