- પૂર્વ કેપ્ટન મહેન્દ્ર સિંહ ધોનીએ રચ્યો ઈતિહાસ
- IPLમાં 150 કેચ પકડનાર એકમાત્ર વિકેટકીપર
- આ યાદીમાં દિનેશ કાર્તિક બીજા સ્થાને છે
IPL 2024ની 53મી મેચમાં ચેન્નાઈ સુપર કિંગ્સના પૂર્વ કેપ્ટન મહેન્દ્ર સિંહ ધોનીએ ઈતિહાસ રચ્યો હતો. પંજાબ કિંગ્સ સામે ધર્મશાલામાં રમાઈ રહેલી આ મેચમાં 1 કેચ લઈને એમએસ ધોનીએ આઈપીએલમાં 150 કેચ પૂરા કર્યા. તે IPLમાં 150 કેચ પકડનાર એકમાત્ર વિકેટકીપર બની ગયો છે. તેના સિવાય દિનેશ કાર્તિકે 144 કેચ પકડ્યા છે.
ઈમ્પેક્ટ પ્લેયર સિમરજીત સિંહે 10મી ઓવરના ચોથા બોલ પર જીતેશ શર્માની વિકેટ લીધી હતી. ધોનીએ વિકેટ પાછળ જીતેશનો કેચ પકડ્યો હતો. આ સાથે ધોનીએ IPLમાં વિકેટકીપર તરીકે 150 કેચ પૂરા કર્યા. જીતેશ ખાતું પણ ખોલાવી શક્યો ન હતો અને ગોલ્ડન ડકનો શિકાર બન્યો હતો.
