MIએ T20 ક્રિકેટમાં તેની 150મી જીત નોંધાવી છે
વિશ્વની કોઈ અન્ય ટીમ આ વર્લ્ડ રેકોર્ડ બનાવી શકી નથી
અગાઉ ચેન્નાઈ સુપર કિંગ્સે બીજા નંબરે T20 ક્રિકેટમાં 148 મેચ જીતી છે

મુંબઈ ઈન્ડિયન્સની ટીમે T20 ક્રિકેટમાં ઈતિહાસ રચ્યો છે. IPL 2024માં રવિવારે રમાયેલી મેચમાં મુંબઈ ઈન્ડિયન્સે દિલ્હી કેપિટલ્સને 29 રનથી હરાવ્યું હતું. શરૂઆતમાં સતત ત્રણ મેચ હાર્યા બાદ નવા કેપ્ટન હાર્દિક પંડ્યાની આગેવાનીમાં મુંબઈ ઈન્ડિયન્સે આઈપીએલ 2024ની ચોથી મેચમાં પોતાની પ્રથમ જીત હાંસલ કરી છે. આ જીત સાથે મુંબઈ ઈન્ડિયન્સે ઓવરઓલ T20 ક્રિકેટમાં વર્લ્ડ રેકોર્ડ બનાવ્યો છે. T20 ક્રિકેટમાં આ ચમત્કાર કરનાર મુંબઈ ઈન્ડિયન્સ વિશ્વની પ્રથમ ટીમ બની ગઈ છે.

મુંબઈ ઈન્ડિયન્સે ઈતિહાસ રચ્યો

મુંબઈ ઈન્ડિયન્સની ટીમે રવિવારે રમાયેલી આઈપીએલ મેચમાં દિલ્હી કેપિટલ્સને હરાવીને T20 ક્રિકેટમાં તેની 150મી જીત નોંધાવી છે. મુંબઈ ઈન્ડિયન્સ સિવાય વિશ્વની કોઈ અન્ય ટીમ T20 ક્રિકેટમાં 150 મેચ જીતવાનો વર્લ્ડ રેકોર્ડ બનાવી શકી નથી. ઉલ્લેખનીય કે ચેન્નાઈ સુપર કિંગ્સની ટીમ આ યાદીમાં બીજા સ્થાને છે. ચેન્નાઈ સુપર કિંગ્સે T20 ક્રિકેટમાં 148 મેચ જીતી છે. ટીમ ઈન્ડિયા ત્રીજા સ્થાને છે. ટીમ ઈન્ડિયાએ અત્યાર સુધીમાં 144 મેચ જીતી છે.

T20 ક્રિકેટમાં સૌથી વધુ મેચ જીતવાનો રેકોર્ડ (સુપર ઓવર જીત્યા વિના)

150 - મુંબઈ ઈન્ડિયન્સ
148- ચેન્નાઈ સુપર કિંગ્સ
144 - ભારત
143 - લેન્કેશાયર
143 - નોટિંગહામશાયર

ત્રણ હાર બાદ મુંબઈની પ્રથમ જીત

રોમારિયો શેફર્ડની 10 બોલમાં 39 રનની અણનમ ઈનિંગ અને અન્ય બેટ્સમેનોના યોગદાનથી મુંબઈ ઈન્ડિયન્સે ઈન્ડિયન પ્રીમિયર લીગ (IPL) ની વર્તમાન સિઝનમાં રવિવારે દિલ્હી કેપિટલ્સને 29 રને હરાવીને તેમનું ખાતું ખોલ્યું હતું. પ્રથમ બેટિંગ કરતા મુંબઈએ પાંચ વિકેટે 234 રનનો મોટો સ્કોર બનાવ્યો હતો. જવાબમાં દિલ્હીની ટીમ આઠ વિકેટે 205 રન જ બનાવી શકી હતી. ત્રણ હાર બાદ મુંબઈની આ પ્રથમ જીત છે જ્યારે દિલ્હીને પાંચ મેચમાં ચોથી હારનો સામનો કરવો પડ્યો હતો. આ હાર સાથે દિલ્હીની ટીમ પોઈન્ટ ટેબલમાં સૌથી નીચલા સ્થાને પહોંચી ગઈ છે. આવો નજર કરીએ મેચમાં બનેલા કેટલાક વધુ રેકોર્ડ્સ પર.

IPLમાં 200+ સ્કોર કરતી મુંબઈ ઈન્ડિયન્સ