- પેરિસ ઓલિમ્પિકમાં નીરજ ચોપરાએ સિલ્વર મેડલ જીત્યો હતો
- નીરજે લોઝેન ડાયમંડ લીગ-2024માં શાનદાર પ્રદર્શન કર્યું
- નીરજ ચોપરાએ 89.49 મીટરનો થ્રો સાથે ફાઇનલમાં કરી એન્ટ્રી
પેરિસ ઓલિમ્પિક 2024માં ભારત માટે સિલ્વર મેડલ જીતનાર સ્ટાર એથલીટ નીરજ ચોપરા હવે નવા અંદાજમાં જોવા મળી રહ્યો છે. નીરજે લોઝેન ડાયમંડ લીગ-2024માં શાનદાર પ્રદર્શન કર્યું અને ફાઇનલમાં પ્રવેશ કર્યો. નીરજ ચોપરાએ આ ટૂર્નામેન્ટમાં પેરિસ ઓલિમ્પિક 2024માં બનાવેલો પોતાનો રેકોર્ડ તોડ્યો છે. પેરિસ ઓલિમ્પિકમાં તેણે 89.45 મીટરની ભાલો ફેંકીને સિલ્વર મેડલ જીત્યો હતો, પરંતુ લૌઝેન ડાયમંડ લીગમાં તેણે 89.49 મીટરનો અદભૂત થ્રો કર્યો હતો.
ઓલિમ્પિક રેકોર્ડ તૂટ્યો
નીરજ ચોપરાએ પેરિસ ઓલિમ્પિક 2024માં આ સિઝનમાં તેનો સૌથી લાંબો થ્રો કર્યો હતો. આ ઓલિમ્પિકમાં તેણે 89.45 મીટરનો થ્રો કર્યો હતો. લોઝેન ડાયમંડ લીગમાં તેણે આ રેકોર્ડ તોડ્યો અને આ સિઝનમાં 89.49 મીટરનો તેનો સર્વશ્રેષ્ઠ થ્રો કર્યો. જો કે, નીરજ ચોપરાની કારકિર્દીનો સર્વશ્રેષ્ઠ થ્રો 89.94 છે, જેને તે હજુ પણ પાછળ છોડી શક્યો નથી.
છેલ્લા પ્રયાસમાં સફળતા
નીરજ ચોપરા હાલ ઈજાથી પીડાઈ રહ્યો છે. તેને સર્જરી કરાવવાની છે, પરંતુ તેમ છતાં તેણે આ લીગમાં ભાગ લેવાનું નક્કી કર્યું. ઈજાની અસર તેના પર પણ દેખાઈ રહી હતી. નીરજ ચોપરા ક્વોલિફાઈંગ રાઉન્ડમાં 4 પ્રયાસોમાં ચોથા ક્રમે રહ્યો હતો. 5માં થ્રોમાં તે ત્રીજા અને છેલ્લા થ્રોમાં તે બીજા ક્રમે રહ્યો હતો. નીરજે 89.49 મીટરનો છેલ્લો થ્રો કર્યો હતો.
પ્રથમ સ્થાને છે આ ખેલાડી
પેરિસ ઓલિમ્પિક 2024માં બ્રોન્ઝ મેડલ જીતનાર ગ્રેનાડાના એન્ડરસન પીટર્સે આ રાઉન્ડમાં શ્રેષ્ઠ પ્રદર્શન કર્યું હતું. એન્ડરસન પીટર્સે પણ છેલ્લા પ્રયાસમાં 90.61 મીટરનો થ્રો કર્યો અને પ્રથમ સ્થાને રહીને ફાઈનલની ટિકિટ મેળવી. એન્ડરસન પીટર્સે પેરિસ ઓલિમ્પિકમાં 88.54 મીટરનો થ્રો કર્યો હતો. નીરજ ચોપરા 89.49 મીટરના થ્રો સાથે બીજા સ્થાને અને જર્મનીના જુલિયન વેબર 87.08 મીટરના થ્રો સાથે ત્રીજા સ્થાને રહ્યા હતા.
