એશિયન ગેમ્સ 2026માં વિવિધ રમતોની સ્પર્ધાઓ વચ્ચે મેડલ ટેલીમાં પણ સતત ફેરફાર જોવા મળી રહ્યો છે. હાલમાં ચીન મેડલ ટેલીમાં સૌથી આગળ છે, જ્યારે ભારત કુલ 39 મેડલ સાથે 12મા ક્રમે છે. ભારતીય ખેલાડીઓએ અત્યાર સુધી 4 ગોલ્ડ, 17 સિલ્વર અને 18 બ્રોન્ઝ મેડલ જીત્યા છે.મેડલ ટેલીમાં ચીનનો સ્પષ્ટ દબદબો જોવા મળી રહ્યો છે.
ચીન મેડલ ટેલીમાં ટોપ પર
ચીને અત્યાર સુધી કુલ 220 મેડલ પોતાના નામે કર્યા છે.તેમાં 125 ગોલ્ડ,51 સિલ્વર અને 44 બ્રોન્ઝ મેડલનો સમાવેશ થાય છે.ચીનના કુલ મેડલની સંખ્યા અન્ય દેશોની સરખામણીમાં ઘણી આગળ છે.જાપાન મેડલ ટેલીમાં બીજા સ્થાને છે.જાપાને કુલ 164 મેડલ જીત્યા છે,જેમાં 39 ગોલ્ડ,64 સિલ્વર અને 61 બ્રોન્ઝ મેડલ સામેલ છે. દક્ષિણ કોરિયા 90 મેડલ સાથે ત્રીજા સ્થાને છે.દક્ષિણ કોરિયાના ખાતામાં 21 ગોલ્ડ,26 સિલ્વર અને 43 બ્રોન્ઝ મેડલ છે.ઉઝબેકિસ્તાન 40 મેડલ સાથે ચોથા ક્રમે છે.તેના ખેલાડીઓએ 11 ગોલ્ડ, 17 સિલ્વર અને 12 બ્રોન્ઝ મેડલ જીત્યા છે.કઝાકિસ્તાન 43 મેડલ સાથે પાંચમા સ્થાને છે.કઝાકિસ્તાનના નામે 9 ગોલ્ડ, 11 સિલ્વર અને 23 બ્રોન્ઝ મેડલ છે.
ભારત 39 મેડલ સાથે 12મા સ્થાને
ભારતીય દળની વાત કરીએ તો ભારત હાલમાં મેડલ ટેલીમાં 12મા ક્રમે છે.ભારતે કુલ 39 મેડલ જીત્યા છે. તેમાં 4 ગોલ્ડ, 17 સિલ્વર અને 18 બ્રોન્ઝ મેડલનો સમાવેશ થાય છે.ભારત માટે સિલ્વર અને બ્રોન્ઝ મેડલની સંખ્યા ગોલ્ડ મેડલ કરતાં વધુ છે.ભારતીય ખેલાડીઓએ વિવિધ રમતોમાં સતત સારું પ્રદર્શન કરીને મેડલ ટેલીમાં દેશનું સ્થાન મજબૂત બનાવ્યું છે.એશિયન ગેમ્સમાં હજુ અનેક રમતોની સ્પર્ધાઓ બાકી હોવાથી મેડલ ટેલીમાં આગળના દિવસોમાં મોટા ફેરફાર થઈ શકે છે.ખાસ કરીને ભારતના ખેલાડીઓ પાસેથી વધુ ગોલ્ડ મેડલની અપેક્ષા રાખવામાં આવી રહી છે.ભારતીય દળ માટે હવે પડકાર મેડલની સંખ્યા વધારવાની સાથે ગોલ્ડ મેડલમાં પણ વધારો કરવાનો રહેશે.
મેડલ ટેલીમાં કઈ ટીમ કયા સ્થાને
મેડલ ટેલીમાં ચીન, જાપાન અને દક્ષિણ કોરિયા ટોચના સ્થાનો પર છે,જ્યારે ભારત 12મા ક્રમે છે.ભારતીય ખેલાડીઓ આગામી સ્પર્ધાઓમાં વધુ મેડલ જીતીને દેશનું સ્થાન ઉપર લાવવાનો પ્રયાસ કરશે.એશિયન ગેમ્સ 2026માં ભારતીય ખેલાડીઓનું અભિયાન હજુ ચાલુ છે.તેથી આગામી દિવસોમાં મેડલ ટેલીમાં ભારતના આંકડામાં વધારો થવાની સાથે રેન્કિંગમાં પણ ફેરફાર જોવા મળી શકે છે.
આ પણ વાંચો - Asian Games માં 25 મીટર શૂટિંગમાં એશા સિંહે સિલ્વર મેડલ જીતી રચ્યો ઇતિહાસ
