ગ્રાન્ડ સ્લેમ ટેનિસમાં સૌથી સફળ પુરુષ ખેલાડીઓમાં સામેલ નોવાક જોકોવિચ માટે US Open 2026ની શરૂઆત નિરાશાજનક રહી છે.ન્યૂયોર્કમાં રમાયેલી પ્રથમ રાઉન્ડની મેચમાં જોકોવિચને અર્જેન્ટિનાના બિનક્રમાંકિત ખેલાડી મારિયાનો નાવોને હરાવીને મોટો ઉલટફેર સર્જ્યો છે. નાવોને જોકોવિચને 7-6, 5-7, 6-4, 2-6, 6-1થી હરાવીને ટૂર્નામેન્ટમાંથી બહાર કરી દીધા.આ હાર સાથે જોકોવિચનું 25મું ગ્રાન્ડ સ્લેમ ટાઇટલ જીતવાનું સપનું પણ અધૂરું રહી ગયું છે. આ ઉપરાંત US Openમાં જિમી કોનોર્સના 98 મેચ જીતવાના રેકોર્ડને પાછળ છોડવાની જોકોવિચની આશા પણ પૂર્ણ થઈ શકી નથી.
ન્યૂયોર્કની ગરમીથી પરેશાન દેખાયા જોકોવિચ
આર્થર એશ સ્ટેડિયમમાં રમાયેલી આ મેચ દરમિયાન ન્યૂયોર્કની ભારે ગરમી અને ભેજની અસર જોકોવિચના પ્રદર્શન પર જોવા મળી હતી.મેચ દરમિયાન તેઓ ઘણી વખત ઠંડક મેળવવાનો પ્રયાસ કરતા જોવા મળ્યા હતા.સ્થિતિ મુશ્કેલ હોવા છતાં જોકોવિચે મેચ છોડ્યા વગર અંત સુધી લડત આપી હતી.મેડિકલ ટીમની મદદ મળ્યા બાદ પણ જોકોવિચ માટે મેચમાં પોતાની સંપૂર્ણ ક્ષમતા સાથે રમવું મુશ્કેલ રહ્યું હતું. તેમ છતાં તેમણે અનુભવ અને જોરદાર રમતનું પ્રદર્શન કરીને મેચમાં વાપસી કરવાનો પ્રયાસ કર્યો હતો.
બીજા અને ચોથા સેટમાં જોરદાર ટક્કર
મેચની શરૂઆતમાં જોકોવિચને નાવોને સખત પડકાર આપ્યો હતો. પ્રથમ સેટ ટાઇબ્રેકમાં ગુમાવ્યા બાદ જોકોવિચે બીજા સેટમાં શાનદાર વાપસી કરી હતી અને 7-5થી સેટ જીતી લીધો હતો.ત્રીજા સેટમાં પણ નાવોને દબાણ જાળવી રાખ્યું અને 6-4થી સેટ પોતાના નામે કર્યો. જોકે જોકોવિચે ચોથા સેટમાં ફરી જોરદાર રમત બતાવી હતી. તેમણે 6-2થી સેટ જીતીને મેચને નિર્ણાયક પાંચમા સેટ સુધી પહોંચાડી હતી.
પાંચમા સેટમાં નાવોનનો દબદબો
નિર્ણાયક પાંચમા સેટમાં મારિયાનો નાવોને શરૂઆતથી જ પોતાની પકડ મજબૂત બનાવી હતી. નાવોને 4-1ની સરસાઈ મેળવી લીધા બાદ જોકોવિચ માટે વાપસી કરવી મુશ્કેલ બની ગઈ હતી.મેચ આગળ વધતાં જોકોવિચ ભાવુક પણ જોવા મળ્યા હતા. બીજી તરફ નાવોને પોતાની રમત પર ધ્યાન કેન્દ્રિત રાખ્યું અને અંતે પાંચમો સેટ 6-1થી જીતીને કારકિર્દીની સૌથી મોટી જીતમાંથી એક નોંધાવી.આ જીત સાથે મારિયાનો નાવોને US Open 2026માં મોટો ઉલટફેર સર્જ્યો છે, જ્યારે જોકોવિચને ગ્રાન્ડ સ્લેમ ટાઇટલની રેસમાંથી પ્રથમ જ મેચ બાદ બહાર થવું પડ્યું છે. વિમ્બલ્ડનની સેમિફાઇનલ બાદ US Openમાં પણ વહેલી વિદાય જોકોવિચ માટે નિરાશાજનક પરિણામ સાબિત થઈ છે.
આ પણ વાંચો - Germanyએ રચ્યો ઈતિહાસ, સ્પેનને હરાવીને મેન્સ હોકી વર્લ્ડકપ 2026નું જીત્યું ટાઈટલ
